ياسامعين الصوت بالله ردوا

هذه قصيدة للشاعر يوسف ابن هزيم

راحو الرفاقه والشقا ماله حدود
واشيب عيني شيبها يوم شدوا

اصيح واصوت ولافيه مردود
ياسامعين الصوت بالله ردوا

لو الكلام يطير مع هبة النود
جريت مسحوبي على نايف الدو

وارسلتها في غيمةٍ برق ورعود
تمطر على اللي للوازيم سدوا

صحبة شرف ماعابها كل منقود
ومن العلوم الغانمات استمدوا

ماهي بصحبة خاين وصال وعهود
اللي ليا جوه العرب ماتغدوا

مااخاوي الهلباج لو كنت محدود
الناس قالو بالمثايل وعدوا

مخاوي اهل الجود يضرى على الجود
واللاش يبغى صحبة اللي تردوا

ناسٍ ترحب بي على المسك والعود
ولا هل الصدات ياجيت صدوا

والصاحب اللي وافي وطيب جدود
أشريه لو كل العرب فيه ضدوا

واصحابي اللي قدرهم دايم يزود
لاكبرت القاله علي استعدوا

واقول يااصحابي على الوعد موجود
وانتم على درب الطويلات جدوا

من بيننا حبل المودات ممدود
أمد لاارخيتوا وإذا ارخيت مدوا

واهل النميمة في نواياهم السود
يبقون بين حدودهم ماتعدوا

يااهل الحسد بالمجتمع مالكم فود
توبوا وهدوا من غثا الوضع هدوا

ذات دلِ بختر ي

الحمد لله على السلامه

عودة حميده

قصيدة جميلة وإختيار رائع

شكراا لكِ على النقل

(لكن مكانها ألإستراحة ألأدبية)

أختيار رائع ...!

ولك كما قال الأخ سيف مكانها الأستراحة الادبية..!

تحياتي لك

اختيار رائع

راحو الرفاقه والشقا ماله حدود
واشيب عيني شيبها يوم شدوا


شكرا لك