رؤوس الشر.... والعيش المر الحلقه 8....
وفي مكان تجمع الشلة ...تجمع الكل ماعدا يوسف لم يأتي ....
فقد كان مبهوت مما جرى له من ضرب وتدفيس من فتى البيداء ..وكيف بعثر هيبته عند شلة
الفلس ..وفي هذه لإثناء كانت الشلة مجتمعه على رصيف إحدى شوارع الحارة ينتظرون وهنا
قال الشبث الله يستر وشبله الزعيم غريبة تأخر رد مصيول ..أكيد الزعيم برأسه شي علشان كده
ما طلع لنا على قوله المثل الألماني (إذا كان برأس الزعيم شي خلوه على راحته ) هنا قال ريال
الفسحة بالله ياشباب هذا مثل لعنب حيك أنت منين تجيب هالكلام قال شنقل يأخي خله هذا ما
ينشره عليه و هنا غضب مصيول وقال أنتم وش عرفكم بالثقافة ورد أبو خلوف لله يأخذ الثقافة
إلي أنت تعرفه ...وفي هذه الأثناء خرج عليه الزعيم يوسف وفي يديه قطف الزقاره ومفتاح
يلعب به بين يده ..ركض إليه الشبث وهو يقول عسى ما شر فقدناك وينك تبسم الزعيم وقال لابد
تعرف الواحد أحيانا يحب يختلي بنفسه علشان يعيد حساباته رد مصيول كبير يازعيم دايم تحب
ترتب أمورك قال أبو خلوف هاه يازعيم فكرت بصرفه لها العصفور فتى البيداء وهنا جلس
الزعيم على حدة الرصيف وحوله شلة الفلس مجتمعين ينتظرون ماسوف ينطق به يوسف وهنا
قال الزعيم يوسف اسمعوا ياشباب ...بصراحة حنا أخطينا من أول قال شنقل ليش يازعيم هذي
عادتنا من أول ياشفنا ولد جديد بالحارة لازم نعرف وش هو من طير...قال يوسف يابعد
مصاريني كلكم أنا عارف بس هذا غير قال لشبث ليش غير فهمنا يازعيم ترنا ماحنا مثل عقلك
قال أبو خلوف والله إنك صادق يالشبث عقل الزعيم عقل غير طبيعي ياخي يجيب أفكار ماهي طبعيه....كبير والله يازعيم
مدري منين يجيبهن رد مصيول الزعيم كبير وعقله كبير ياكبير ...قال يوسف خلاص
اسمعوني..الكلام للي يجمد على الشارب ...خلونا من هالولد ترنا محنا قد أبوه ...رد الشبث أبوه
وحنا وش دخلنا بوبه حنا نبي ندق رمته هنا قال يوسف شفتوا إن تفكيركم محدود..رد مصيول
بالله فهمنا يازعيم ...قال يوسف لمصيول أنت أبوك وش يشتغل قال حارس مدرسه وأنت يابو خلوف
قال أبو راعي بعارين يعني متسبب وأنت ياشنقل قال أبوي تاجر هنا رد مصيول تكفى يتاجر
تلعب علينا أبوك عنده محل بسوق الكويتيين معلق له ثوبين وطاقية وتقول تاجر هنا غضب
شنقل ورد وهذا مايسمونه تاجر قال الشبث هذا تويجر ..هنا قطع الزعيم الكلام وقال أنطموا حنا
وين وانتم وين أنا أخطط وفكر وانتم ماعندكم إلا للجة رد ريال ماعليك منهم كمل يازعيم قال
وأنت ياريال قال أبوي سواق تاكسي هنا رد يوسف أنا أبوي مثل منتم عارفين متقاعد ويكد علينا
من مكتب العقار حقنا ..وكان ولد الشبث إيضا متسبب ويعمل بسوق الخضره.وهنا رد الشبث ويعني وش قصدك يازعيم قال يوسف يعني قصدي أن
ابوى فتى البيداء لو تعرضنا له يبي يقشنا قش بساس مع شوشنا ويقرطنا بأقرب سجن ..قال
مصيول ليش هي على كيفه ..رد يوسف شفتوا الفرق بين تفكيري وتفكيركم أنتم مافكرتوا منهو
أبو فتى البيداء هذا ياحوش عقيد متقاعد يعني يعرف كل الشرطة وكلن يضرب له سلام وله
واسطات واجد..وبكلمه من ولده فتى البيداء ..يقرطنا ولأحد يدري عنا..عاد رد شنقل والله
ليذبحن أبوي ..وقال الشبث عاد والله أبوي والله ليعلقن بنخلة بيتنا ..هنارد ريال على طاري
النخل حمود الناصر وينه ..ردأبو خلوف..تلقه ..متعلق بحدى نخلهم ....وفي هذه الإثناء
خرج عليهم حمود الناصر وهو مطأطأ الرأس ..هنا قال مصيول ..جبنا سيرة( القط جاء
ينط.)..قال أبو خلوف ووه منك يامصيول أنا مادري من يعلمك هالخربيط رد ريال خله ترى
هذي ثقافته ...
وفي هذه الإثناء جلس حمود الناصر وهو شارد الذهن ويفكر بدون أن يلقى السلام ..قاله
الزعيم يوسف هاه عسى ماشر وينك ماشفناك ولأحضرت لاجتماع الطارئ ..قال حمود والله
مادري وش أقولك يازعيم وياشباب فيه خبر ..مادري وشلون أوصله لكم أحس بضيقه ...
قال يوسف أفااااااااااااا عليك يابو ناصر حنا وكل عفشنا تحت أمرك ...قال شنقل قل وش عندك أبوك مات ...قال كش وش هالكلام ...
شوفوا ياجماعه ....
تابعونا لتعرفوا ماذا كان هذا لخبر...
قال مصيول لله يبشرك بالخير .....لماذا زعل حمود الناصر على مصيول
هذا ماستعرفونه في الحلقة القادمة......
