((..ياويْ ياهل الخير رجال ..))
[poem=font=",6,black,bold,normal" bkcolor="transparent" bkimage="http://www.shmmr.net/vb/mwaextraedit2/backgrounds/58.gif" border="inset,4,black" type=2 line=0 align=center use=ex num="0,black""]
لو كان للقمه شواهيد وارجال= ماتجحد الي بالملمات زيزوم
فعله سبق قوله على الدوم مامال= في عينه أتفز المواجيب وتقوم
وفي كلمته تلقى موازين الاقوال= ماتقبل ا هروج المناقيد واللوم
وفي جلسته ليث ٍ ووّرث له اشبال=و كل شبل ماغرّت محاجيره اسلوم
وفي صدقه ايزلزل مواكير الانذال= لازيـّفت بالهرج والهرج معلوم
وفي فزعته يجلي معابيس الاحوال= طنيان خلقـّه يرزح براسه الزوم
ياويْ ياهل الخير رجال رجال= تشهد له اقرابه وتشهد له القوم
حلحيل مثله لثقيلات حمـّال= قفـّت به اقداره ومرحوم مرحوم
مرحوم ياشيخ ٍ على القبر نزّال= حطيته ودكت معاليقي اهموم
والدمع ديم ٍ يضرب الخد همّال= والصدر فجــّه مجرم الوقت بسهوم
حطيته ومومن مقادير واعمال= يالله تغفر له على الصدق والصوم
[/poem]
