اربع سنين وحبنا راح بسبوع
بسم الله الرحمن الرحيم
السلام عليكم ورحمة الله وبركاته
ياراكب اللي للبعيدات مصنوع = جيبٍ جديدٍ للمسافات قطاع
من ديرة اليابان قد جيب مبدوع=امحكمٍ صنعه ابتصميم وابداع
فكسار ابيض واريلة فوق مرفوع=اليا مشاء ماعد يمشي على القاع
عليه ذيبٍ ماشكى الضيم والجوع=ذيبٍ شجاع وللثقيلات فزاع
انحربه الا غازي كما النجم بسطوع=شاعر بليغٍ مرضيٍ كل سماع
عطه التحايا وايضاً القول مطبوع=من شاعرٍ حلمه تضيع ولا ضاع
قله ترا متعب غدا اليوم مفجوع=بسباب من ساقت على قلبه اوجاع
اربع اسنين وحبنا راح بسبوع=راحت وخلتني مع الهم ملتاع
بنتٍ وضعت اسمه على القلب موضوع=حبيتها حبٍ ماهو بي الانواع
حبٍ شريفٍ مادخل فيه ممنوع=حبٍ عفيفٍ اكتمه وسط الاضلاع
ومن بعدهن جاني خبر لاعني لوع=علمٍ لفاني منه القلب مرتاع
دقت علي والناس هجاد وهجوع=قالت يامتعب عوكست كل الاوضاع
قلته وهي تذرف تقل بير نابوع=جوني خطاطيبٍ وانا اخوي بياع
اخوي وامي طوعني لهم طوع=المال طمعهم وانا اخوي طماع
اخوي جيته قلت ياخي مخدوع=وامي بعد جيته ولا منهم طاع
اصبحت مثل اللي من السم ملسوع=بارضٍ خلا مابه سوا اذياب وسباع
قلت ارحلي يابنت والهم له نوع =وهمي انا نوعه ماهو بي الانواع
