البارحه يوم أذن التالي // يانجر ابو عجايب يدلونه
سلام ياعرب
لي قصه
سنة القيض الحمر يوم العقارب تويدز
كنا نازلين
حول حزم الجلاميد من ورى صنعاء
وابوي ماعنده من البنات الا انا
وعياله 7 اللي يقال لهم اخواني
>> كأن به علم يالراويه :(
تربيت في كنف مجلسه حدر بشته
حتى ترعرعت
وصار عندي من القصص والقصيد الكثير
الشيء اللي دايم يدور في بالي
ان هالقصص كلها فلانه عشقت وفلان عشق فلانه
وفلانه من الحب طاحت بالقليب
وهذيك نحاشت حدر القمر
الوكاد وشو هالعشق ولا وشو له؟
اكتني ناقدتن عليهم وهم يحتسون
حتى مره من المرات
فاتتني التعلله رقدت بدري
يوم اصبحنا وهو يجيني اخوي
يعلمني قصه
ومتأثر وهو حبها وسوا وفعل وحط وشال وكفخ
وراح وجا لعيناها واصيب
وهي تنحاش معه وتترك اهلها ..
انا هنا تنرفزت
بنتك يابوي
تترك اهلها وتروح مع الاجنبي
نعنبااا ذا الطبايع
كله من الدشوش
قال يحبها
قلت الخلا
الوكاد خربت القصه ودبلت تسبده قال
الله يبلاتس)بس)
هو قال هالكلمه
حسيت ان ودي اتطيب .. وامسك ورده
ليه ؟
مدري
:(
وتقل كأنه مغـّب علي
قالت امي ياعجبه ابي ماء والقربه فاضيه
واخذ كوب واروح للغدير
لاحظوا ماخذيت القربه
فيه شيء .. ياجماعه ..!!
وامشي معي كوبي
واجلس اعبي كوبي
الا اسمع وراي
ااستغفر الله والشكر
احد يارد بكوب وين قربتس ؟
واراعي لوه ..
يمار ذا الدميره
حسيت يوم شفته مكتوب على جبهتي
قيــم أوفر
ياخيواتي
رجل لابوه عن المسلمين زود
عينين وأذنين وخشم ولسان .. ويدين ورجلين
لا والملامح تقطع النما ماهنا زود
بس أكتني عشقته ..
تقل أول رجل اشوفه بحياتي ..
قلت هاه ..
كوبي .. ؟
قربتي ..؟
قال اهلتس وينهم ..
وتقل مبشره
هذولااااااك ..
ورى الكبري
قال انا ضيف بس اللحين رايح وبكره الفي عليكم مثل هالحزه سلمي على ربعك
ويروح
وانا اراعي لوه
تقل مصبوب على راسي ماء
وأمسك الكوب واروحي لأمي
ساريه
ابوي شافني مقبله ومعي كوب
قال : عجبه به بلا ماهي عادته هالمشيه
بالعاده عجاجه تاصلهم قبلي
البنت مسروقه
وادخل على امي قلت سمي
ويجي اخوي
قلت حسبي الله عليك
قال ليه
قلت بلاني الله
دعوتك وصلت السماء
علامتس وش فيتس ؟
قلت هيك وهيك
واللحين انا حبيت وش العمل .. ؟
ياقص وجهي قصاه
امحق حياة
ويغدي لنا هواش
قال ابوي هاتوا ماء
تقل طارت جنيتي
واخم الكوب
وطربق طربق للغدير
واعبي كوب ابوي
بس ماش ماجا
ويسري ليلي
كوب(ن) رايح وكوب(ن) جاي
يوم اصبحنا الا يالهالات سود واصلتن الركب من السهر والعشق
واجي بكوبي للغدير
واقصد
عزآآآه ياقلب من الهم عزآآه ومن يواسي دمعتي قال خيره
وشلون خيره وانا حبيت لاتقول خيره خيبه تسبيره
الا يجي الضيف
على الغدير
قال انتي من امس تعبين كوبتس
قلت حسبي على ماجرا لحظي الردي
قال افا ليه
قلت اسمع بان الحلال
انا ربي بلاني من دعوة حقود
قال وش دعا عليتس
قلت : دعا ان الله يبلاني بالعشق
ويوم خلص دعوته الا انت بوجي
وحبيتك .. جعلك العمى
وانت لابك فرق على المسلمين ووجهك يقطع النما
بس تراني عشقتك وأمس كله ماامرحت
قال : والله اني ارتحت لك ولك في قلبي مكانه كبيره
وهو يحتسي
زامت علي تسبدي
قلت صه صه .. يعننبا البقاطه . تعرفني
قال وانتي .. بعد تعرفيني ؟
قلت انا مبليــــــــه
جعلك البلا
ويصد يبي يروح قلت لا تكفى لا تروح
أقلط عندنا
وهو يروح لأبوي
ويجلس جنبه
واجي واقعد قدامه
ومفهيه
واكتنه دبلت تسبده .. قام وراح
وكتب بالبخاخ على خيمتنا
( هذا وجهي أن رجعت )
يوم جا بكره الا صدز ماجا ولا جا الغدير
واهيجن على الغدير
البارحه يوم أذن التالي
يانجر ابو عجبه يدلونه
مر وأخذ له فنجالي
هيلاً مع بنً يعرفونه
واراعي للحصاه الا مكتوب عليها
الاياديار عجبه بالله خبري
مبلي(ن) بعجبه كيف يفعل(و)ُ
واكتب حدرها
يداري عجبه او تقطع سِـرهُ
ويصبر على عجبه ويخشع(و)ُ
يوم اصبحت الا كاتب
كيف يداري جعلها ماتسير
وتسبده منها كل يوم تقطع(و)ُ
واكتب حدرها
يامال فرق العين من زينك اللحين
وحسبي على من دعا علي بحبك(و)ُ
ويكتب حدرها
كش عليك يام قرنين
جعل غنمك تنسرق ذالحين(و)ُ
وامسك الحصاه من القهر واكمخها براسي
واكتني عودت عجايب الأوله :)
لأني عبيت القربه هالمره .
وتوسموا طحياتي .........,,
