شاعر المليووووون الى ويـــن ؟
بسم الله الرحن الرحيم
طلعت ظاهره في الوقت الاخير فيها تجددت التعصبات القبليه
فيه العتيبي ما يداني المطيري وفيه المري ما يداني العنزي وكثير كثير
زيــن برايكم وش السبب
اذا قلتوا غير شاعر المليون انتم على غير الصواب نعم السبب شاعر المليون
خلونا ناخذ سالفة الشاعرين محمد بن فطيس المري والثاني خلف المشعان العنزي
الي فيها خلف اصدر كم بيت يغازل فيها بيرق شاعر المليون الي كان تحت سلطة
محمد بن فطيس المري
وفشل خلف المشعان بالحصول عليه بسب التصويت او غيره الي يهمنا انه فشل
وقال قصيده باخر تواجد له بمسرح شاطئ الراحه تحمل بيت يهمنى الي هو
" المال يبن حنيف ملعون ابو المال
عز الذليل وذل ناسن عزيزه "
وحس ابن فطيس انه يقصد التصويت الي دخل في حسم الكثير من النتائج
وفي تواجد ابن فطيس كــ" ضيف على برنامج شاعر المليون " قال قصيده
قويه يرد على خلف المشعاان بقوله
" الذيب لوكان ذيب يدرع بالذيـاب
خلي الخرفان لضبع العويق "
كان الي يهم ابن فطيس هو توضيح الكثير من الخلل في قصيد خلف المشعاان
ولــكن تصرف خلف المشعان من خلاله نطلق عليه لقب حكيم بقوله
" بطفي الفتنه وانشدك وشلون
اسلم من الضيعه واجمع شتاتي "
واشار بالبيت الي بعده الى ان الناس راح ياخذون موقف منك يا محمد بن فطيس بقوله
"الناس معاه عقل ولسان وعيون
وقدامهمه كزيت يمك وصاتي
ماجيتك بيتاً من الشعر مدفون
جيتك على وضح النقى يا غناتي "
وانا اشوف لو التصرف هذا ما بدر من خلف المشعان ورد عليه بقصيده
راح تكبر السالفه ويصير حكي يمين ويسار بس نقول تصرف حكيم
والان يا شــاعر المليووون السنه الاولى راحت بين العتبان ومطير
والثانيه بين بني مره وعنزه والله يستر من الثالثه
الحكماء بالزمن هذا قله ولكن انا اقف لخلف ومحمد بن فطيس اجلالن بموقفهم الرجولي والي ما يبدر الا من الحكماء وانا اعرف ان محمد بن فطيس يقدر يرد على خلف ولكن الحمدلله ولا لو رد يالله حسن الخاتمه
شاعر المليوون نبي السلامه بس
وجزاكم الله خير على حسن الاستماع
