((لاعاد به بدواً ولا الطرش له حنه))سليمان الهويدي رحمه الله.
السلام عليكم ورحمة الله وبركاته
هذا طال عمركم من أروع ماسمعت للشاعر سليمان الهويدي رحمه الله..
أترككم مع القصيدة..
[poem=font=",6,burlywood,normal,normal" bkcolor="black" bkimage="" border="outset,4,sandybrown" type=2 line=0 align=center use=ex num="0,black""] عشقت القمر حيث القمر ينبعث به نور=.واخص الليالي البيض تزهاه ويزهنه
واحب الهوى لاهب من خايع ممطور=وريح النفل حيث النفل طيب الخنه
واحب الجمالة والجمالة عمل مبرور=واحب الغناه وعز نفسي عن المنه
واحب الصراحة والصراحة بها مسرور=حيث أن الصراحة تقطع الشك والظنه
واحب الكريم اللي يفرج عن المعسور=اليا من عطى حتى اهله ما دروا عنه
احب الرجال العارفه واكره المغرور=من اغتر في بعض المظاهر يغرنه
سقا الله ليال ماضية قبل هدم السور=نحفر العدود ونشرب الماء من الشنه
نشوف البنات اليا اوردن كنهن الحور=مهار مشاويلن بالاعياد معتنه
على الماء تشوف بيوتهم كنهن القور=كثير القبايل تقطن العد بالكنه
على البال ذكراها ياليت الليالي دور=ياليت الليالي ما خذنه يجيبنه
تذكرت شيبان لنا يوم حنا بزور=.يحثوننا بالطيب والفرض والسنة
لو عاشوا حياة قاسية في بحر وبرور=عسى الله يعوضهم بما فات بالجنة
لو دورن مضى من بينهم وين ذاك الدور=زمان مضى له ذكريات يحلنه
يوم الذهب ما يلبسونه بدون خصور=جمال النسا ما هو من السوق يشرنه
فقدنا حياة البدو مع شوفة المظهور=ولا عاد به بدو ولا الطرش له حنه[/poem]
أتمنى انها تنال اعجابكم وتحوز على رضاكم.
تقبلوا تحياتي
((عبدالله بن غيث))
