اصد عن مجلس اللي مالهم تالي ,,،
آصد عن مجلس اللي ما لهـم تالـي * * أحسن لي أبقى عن الرديان في عِزله
وابرك لي آسج بفجوج الخلا الخالـي * * من مجلس ٍ ما تميـز جـدّه وهزلـه
تلقى هـدور ٍ يلـج يميـن وشمالـي * * متليسن ٍ فـي كلامـه طلعـه ونزلـه
والمجلس اللي هله ما تشرح البالـي * * والله لآصـد عـن ملفـاه واعتزلـه
وانا مع اهل الوفا قـدري ومنزالـي * * في مجلس ٍ رايـة الوافيـن تِركزلـه
المجلس اللي على اسمه مجلس رجالي * * غصون قلبي من الشـوق إتّهزهزلـه
لا جيته القى علـوم الطيـب طوالـي * * علم ٍ يسر الصديـق وكلمـة ٍ جزلـه
الشاعر خالد الزهيري
