http://www.9ll9.com/vb/images/smilies/n34.gif
القصيده اعجبتني و لطشتها من منتدى ما
ياهجوسـي أسعفينـي بعـد ماجالـك مـجـال
أسعفينـي بالجزالـه مالـك ومـال الهـزيـل
المواقف عنـد أهلهـا والحمـول ألهـا جمـال
يرتكـي شقـران ولا تنثنـي يمـنـا شعـيـل
أيه أشوفك في المواقـف ياقصيـدي راس مـال
يوم كل(ن) له خوي وله عضيـد ولـه عميـل
يالقوافي صرت أشوفك كـل ماشفـت المحـال
وانتي أكبر مـن شمـوخ الأمنيـه والمستحيـل
والغلا أللـي داخلـي يرسـم متاهـات الخيـال
بيـن كفيـن العزيـز وبيـن كفيـن الذلـيـل
للهنـوف اللـي تجينـي كـل ماهبـت شمـال
وكل مازارت خيالـي قامـت دموعـي تسيـل
ياغناتـي والمعـزة وسـط قلبـي لا تــزال
عندي أعظم من غلاة المال في يديـن البخيـل
أقلط أقلط لـك فـي قلبـي فـال يقفـاه العقـال
مرحبا في ريح هيـل ومرحبـا وأعـداد سيـل
ودي أشرب من حضورك وأروي عروقي وصال
وأتفيّا عن لهيـب الشمـس فـي ظـل الجديـل
ودي اروي خافقي وأشرب من العـذب الـزلال
وأروي فصـول المواجـع للظمـا والسلسبيـل
الجمال اللي بوجهـك ماهـو حـي الله جمـال
من يناظر في خـدودك وش يحـط وش يشيـل
ياحبيبـي مـن تغنـج روحـك وكثـر الـدلال
بس نظرة من عيونـك تجعـل العاقـل هبيـل
راح صوتي يوم انـادي يابعـد عمـري تعـال
لين صار الصوت عندي اشبه بصـوت العليـل
من غلاتك صرت أشوفك بنت عم وبنـت خـال
وأنت من طبعك تشب النـار فـي راس الفتيـل
لـو تفـرق ياحبيبـي بالـحـرام وبالـحـلال
كان ماسليت سيف(ن) يشبـه السيـف الصقيـل
