الطائيه,,اهداء الى

الطائيه نبضة من نبضاة قلبي الى قبليتي ولابتي شمّر

ومهما كتبت فلن ولن اوفي حقهم ولكم القصيده مهداة مني لكم

وسببها مبطن في القصيده.

[poem=font=",7,,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]


لامن بديت ابدع بجزيلات الاشعار=واذكر رجال(ن) بالفعايل كثيره

حبر القلم يسري كما نحت الاحجار=والاكما برق السيوف الشطيره

شمّر هل الناموس نصب(ن) للاحرار=شمر هل البيدا وجييه السفيره

حنا بني طي(ن) على الطيب امار=وحنا على روس القبايل صديره
حنا الهوايل والملازز والاجوار=واهل القبس واهل الخيول المغيره

شمر كما غيم(ن) مع السحب الامطار=شمر قمم لجبال شبه الجزيره

عيال حاتم بالكرم ريح الاسحار=ذكراه جالت كل دوله وديره

ربعي الاسلم للكرم طيب الاذكار =زوبع وعبده والقبايل خبيره

شمّر هل الردات ياجاهل الدار=اللى سمات الجود فيهم اسيره

حايل لنا شمّر لها كل الاقطار=نجد العذيه مع اديار الجزيره

وقصر الاعيرف مع بقيات الاثار=برزان وجبال الشموخ الوعيره

حنا طنايا غلبا والسيف بتار=اهل الوغى والنايفه والكبيره

اهل اللحيسه هم عزيزين الاجوار=زهيد لاجا الند يظلم مصيره

دم الطنايا دمنا اصغار وكبار=لامن زعلنا فالكباير صغيره

قومي طنايا لاتقصيت الاخبار=من كل علم(ن) فيه قصه وسيره

بكفوف شلفاة الطعن مابه غبار=الموت ترقى شلفته في سعيره

اجهلت لين الدم بالصدر لي فار=ياهيه ياللي تجهل الليل خيره

صفقت لين الجن غنت بالاوتار=وشربت من عوج الليالي غديره

رتبت انا ابياتي وثم قمت انا اختار=واختار بيت(ن) لا وانا اقول غيره

من طيب قومي اصبح القاف يحتار=قام يتسابق والمعاني غزيره

ازبن بيوت العز في وقت الاخطار=اهل البيوت النايفات المنيره

قوم(ن) اليامن شبت النار بالنار=تحرق بهالوديان تسمع زفيره

جاك البلا والموت هي صاحت الدار=واللى جنا بالبيد نروي ضميره

اكبار من يوم(ن) لفينا بهااكبار=وكم نايف(ن) بالكون تسمع صفيره

مثل النخل بوسط البوادي والاقفار=وشموخنا فوق السحايب مسيره

صقهان تسمع صيتنا حيل جهار=عميان شافت فعلنا والدبيره

السيف مجدافي بوسطك يالابحار=واللى نخا بالعز حنا ذخيره

صقور في وقت الهدد صار ماصار=والطير مهما حام حنا نفيره

رجالنا لاوي العدا محمي الجار=مانام غير الا معشي قصيره

يفرح اذا جاله من الناس خطار=شمر يديه وفاح له من عبيره

لاكان مامن لامواشي ولا ابكار=يذبح ولده ولاتجيه المعيره

وانا بن كميان عديت لك الثار= والسيف بيدي والبيوت الخطيره

من صلب فايد والسناعيس الاحرار=هم عزوتي بعوج الليالي العسيره

كانك تحداني فانا ذيب كسار=راسك ولاينفعك طبّ وجبيره

طببت ببيوتي مثل فعل بيطار=رد(ن) على ااصحاب النفوس الحقيره

بيت(ن) على بيت(ن) بنيته بالادوار=وتشوف ياجاهل نجوم الظهيره

انهيك من دنيا بهاالمجد مضمار=واهل الكباير هم عمام الكبيره

والله على ماقول شاهد بالاخبار=واسئل حياض الموت منهو نظيره

وماقول في باقي البشر شي ينعار=وكلن على ماقيل ينضح بزيره

كنتم كما كنا على الكون خطار=وتبقى فعول الطيب من كل عشيره[/poem]
rooooserooooseroooose
الى قلوووووووووبكم

احمد الكميان

بيض الله وجهك وصح لسانك ولاهنت

تقديري لك

بن كميان صح لسانك القصيده روعه قمه في الفخر والعز ...
وهذا أقل شيء الواحد يقدمه لقبيلته ...
بس عندي وجهة نظر يالغالي
((حبر القلم يسري كما نحت الاحجـار)) لم توفق في تكوين صورة هذا الشطر يالغالي بما انك في العجز قد وفقت فالصدر أراه مناقض تماماً
لانك الواضح أنك تقصد بكلمة ((سار))أي بسرعه وقوة وجبروت والموصوف الحبر أيضاً عادته انه سائل ,,,لكن وصفته بنقش الحجر وهي من أصعب وأشق انواع الكتابه والكلمه الواحده تأخذ وقت طويل فيناقض العجز ويناقض الصورة التكميليه للبيت..

أرجوا أن تراجع باقي ابيات القصيده ....
سجل أعجابي ورأيي بقصيدتك الشامخه ((انها شامخه)) ويكفي أنها بالقبيله ((شمر))
تقبل تحياتي

احمد صقر الكميان


صح لسانك مليون ولا يسدون


ابدعت في هذا النص الرائع


الف نعم فيك وبالطنايا كلهم


تسلم اخوي العزيز ولاعدمنا حضورك المميز


تحيتي وتقديري

صح لسانك يابن كميان وبيض الله وجهك

:

احمد


صح لسانك يالغالي

جزله من جزل

احمد

صح لسانكـ

القصيده تعاني من كسور كثيره

تمنيت لو انك تأكدت منها قبل نشرها


تحياتي

ابو صقر

قصيده تستحق أن تراجع ويجب ان يتم تعديلها حيث انها تستحق ان تخرج دون اي ملاحظات


مثال

لامن بديت ابدع بجزيـلات الاشعـار <<<<< حرف الباء يكسر البيت في ( بجزيلات )


مثال آخر

مثل النخل بوسط البوادي والاقفـار <<<<< حرف الباء يكسر البيت في ( بوسط )




القصيده طويله

اشكر لك سعة صدرك
الف شكر لك