-
اصــدق اللحظات ...
سلام لكم جميعكم من صغيركم ,, لــ أبو عارفكم ...
كيفكم عساكم بخير ...
اااااااااه كم هي صادقه تلك اللحظات ..
عند الاحساس بالموت عنــد الاختناق..
والادراك ان الحياة فانيه :za3lan:
و لـحظة .... غسيل المعده كم هي صعبه....
هذا الله يسلمكم من كل شر... ولد أخوي الصغير >> نسيت اقولكم انه مع الخبول
اخواني أمانه ... عندي هاليومين
تدرون وش سوا هالنتفه... قاعد قبلي ونازل تحت يتسحب المروح ... ومسوي جريمه بنفسوه
شارب قوطي علاج هذا كبروه ... 100 مل
ونادحوه ندح .. انا قمت ورحت للغرفه اللي نيم يه واطالع الا السرير فاضي...:puzzled: شكيت
العاده يقومني على صوت صفارة انذار shlwee7
قلبي نغزني قلت راح يسوي شين .. يمكن طلع برا >> هو داشر ويطلع دايم :)
المهم
واجيكم مطلفحه... وتطبيح من الدرج لين وصلت تحت الا الحبيب جالس يتمطق
بالممر وعندوه سيكلوه وشماغ وعقال ومكوم كل نعول البيت مسويهن زبره هذا كبره :solh:
حاط السيكل وراكب عليه ومطلع العلاج
ويوم رفع راسوه يمار علبة العلاج تصفر مابه ولا نقطه
واقوم اركض يمين يسار وياويلي وش اسوي ... وهو يقول اثما لبثيني ثماغي
بالله هذا وقوتوه :148r:
واشيلوه .. ابي اسوي اسعافات اوليه وادخل اصبعي بحلقوه قلت غديه يرجع shlwee7
مامن فايده عضن بغى يقطع اصبعي ... :148r:
واقوم افتر وش اسوي ... وادق عــ السواق تعال ابي اروح مستشفى .. وهذا الوغد يتفتل
بالبيت عادي ولا كانه مسوي شي
ويجيني السواق طاير ..وعــ المستشفى
وادش وعـ الطوارئ والحبيب ولد اخوي لابس نعول وانتم بكرامه ... مشايات وكل ساعه
نعوني نعوني :)
المهم .... وهم سيده يدخلونا بغرفة الطوارئ . وهو ينسدح على السرير وجيبي نعوني
واعطيه اياهن .. وسكري السرير >> قصده الحاجز
وافتحي السرير ..:) مايدري وش منتظروه
وينسدح ويطلع بطنوه ...يوم جو الدكاتره قال وااااااااااااااااااا ابي امي
قلت : الحين تجي > اتسذب عليه
قالوا لازم غسيل معده ... ويتناقشون
سبحان الله .. هالوغد حس ان فيه شي .. قامن عيونه يتلاقطن ... خاف .
وهو يقوم يعترف ... ضربت حمود ... دبيت اثرا .. دبيت فارث
دبيت ذوذو ... تليت علاج ... دبيت ماما ... كسرت كاسه
وانا يذبحن الضحك.... كل هذا مسوي بحياتك ..
بالبدايه يقول صوريني ... ويبتسم عــ السرير :315r:
المهم دخلوا هوز من خشموه ولوه صياح وجعير ... وغسلوا معدتوه
وانا اعاني معاوه الا مسج .. ابشرتس نزلوا المكافئه ...
واقوم اتبوسم :d:
وهو يرفسن ببطني ... واجودوه معهاهم
والا تليفون من اختي الو .. تدرين الفيزا كارت حقتي فيها فلوس .. اليوم دجه للسوق
وانا اكشر .. والوغد يصيح
قلت يالله سدي الخط انا فاضيه :puzzled:
وشوي الا بالمختصر الوالو الو .. هجوره نزلن مكافئاتنا :315r: ... والوغد يصيح عندي ويجعر
ولا تسنه تسمع .. المصيبه ولد أختها ... ولا سئلت وش فيه ..عوذه
.
بس تدرون تذكرت مصيبتي يومني صغيره . كنا عند خوالي والحريم يتعللن
وانا اروح وانا والوغدان على الثلاجه وندرع بالعلاجات .. وهم عندهم شيبان وعلاجاتهم
مثل أم اند أمز ... ملونه . شي حق ضغط وشي للسكر وشي للكلى وووو
وانا اقوم اكل و اوكل الوغدان لمن تصبغن وجيهنا بالالوان حقات الحبوب
ويشوفننا الحريم وهن يغدن لهن صياح .. وعلى المستشفى ....وكل البزران غسيل معده
الا انا ... قالوا شربوها ماء لين تطفح ...........
:solh: :solh: :solh:
وسلام .......
-
وعليكم السلام
قايلن لك مالها إلا أهلها ويش عرفك للبزارين ؟
الله يرحم مزنه يا اسماء
الحمد لله على سلامة أخوتس أفطنيله ثاني مره لايشرب الكلوركس أو الديتول باين عليه هذا أقشر اللي على السرير ويبوسم يبي تصوير .
أمحق زمان ياناه.
-
أجل تدرعين بالعلاجات
^
^
^
^
^
من هيك اسمك مهاجره
عزالله بغيتي تهاجرين بإحساس
-
هههههههههههههههههههههههههههههههههههههههه هههههههه
الليد مر شريط ذكرياته
الظاهر يوم يشربه يحسبه عصير
شكرا ع الموضوع ومبروك المكافئة
-
هههههههههههههههههههههههههههههههههههههههه ههههههههههههههه
حشمه هههههههههههههههههههههههههههههههههههههههه ههههههه
هههههههههههههههههههههههههههههههههههههههه ههههههههههه
الوغد هل السبحه وانا اقول وشبلاه هالوغد يوزع ابتسامات على السرير
ويشرب العلاجات اثريكي اخته اهاه ههههههههههههههههههههه
هذا الرد فاضي بس علشان ازود عدد مشاركات وابي اقهر ريالوووه
اللي حذف مشاركتي يقول السبب غط كراعينك ههههههههه
-
يااااااااااااابري حااااااااااااااااااالي
امحق حياة
لي عودع يالغلا
بس بيني وبينك ... موضوع .. اعجبني اكثر من الي قبل ... تدرين ليه
لأنك ..
1- طولتي ..
2- تركتي التعليق على كلامك ..
3- وصفتي لنا كأننا نشوف
ومن تقدم الى قمة
لاهنتي ... لي عوده
طحياتي .....’’
-
هههههههههههه حيى وغدننا عن مليون وغد الواحد منهم راعى فعل وياما عانيت من وغدانى وياليتهم يشربون العلاج وغدانى ابلا :148r: يا كلون صراصير:puzzled::148r:
حمدالله على سلامتهوه والله يحفظه لكم وشكرا وزنتى ولاهنتى
-
مهاجرة
ما شاء الله على ولد اخوتس
عندوه مناعه من المواد العلاجيه
اقول وش يقربلتس حمود
هههههههههههههههههه
والله ان القصه حلوه ومؤثرة
-
مهاجره ماداخ ماانصفر الولد ماتقلبت تسبدوه ...؟ :)
عزالله الـ..........<_ :7ayyoh:
الله يخليه لكم وعسا الله يستر علاه وأزوجه بنتي :d:
مهاجره كم نزل لكن شهر تسانه واجد وانا اخوتس تريني مطفر وهالشهر مانزل الراتب كامل كله خصميات وإجازات بدون راتب يعني ألف ماتضر :wallah_hoo:
-
مرحبا ..مهاجره
ولا انشالله مايشوف شر الصغير..
بالله نزلت المكأفاه؟؟قالو لي البنات بس ماشيكت
شكراا لك ع البشاره
ويسلمووو...ع الموضوع
مهاجره كم يوم صار ع غياب الاهل كنه شهر ع هالمغامرات ههههههههه
اختك/بسمة العز
احترااامي لكroooose
