قصة اللغز

[c]اخواني الافاضل : هذي قصة وسببها لغز ومابه طريفة على قولتهم لكن حبيت اوردها لانه حصل فيها مراد بيني وبين احد الاخوان ،، السالفة ومافيها انه قبل ثلاث سنوات من الان طرحت لغز على اهل اجهزة الاتصال اللاسلكي ( الكنود ) وكنت ارمز لنفسي باسم النادر .. واللغز ليس من بدعي ولكن من احد الاخوة واعطاني اياه بشرط ان لاتوضيح فيه . وقمت بطرح اللغز وأخذ تقريبا سنتين ما أحد حله : وابلشني واحد منهم على الاجهزة ونابشني وحط يديهبحلقي الا اعرف حل هذا اللغز وارجوك وضح لنا وقربه لنا ........ الى اخره .قلت ياولد والله العظيم عظيم شأنه اني حالف يمين ما اوضح شي عن هاللغز . المهم مالكم بالطويلة الرجال أيس من حل هاللغز وخلصت رمعاته .... وفي يوم لقيته مرسل لي ابيات شعرية علشان هاللغز .. وانا على قد عرفي فهمت من ابياته انه خلاص ايس من حل هاللغز ويبيني اعلمه بالحل . وكان يرمز لنفسه بإسم (( راع الرقباء)) [/c]

[c]وابياته يقول فيها : [/c]

[poet font="Simplified Arabic,14,white,normal,norma" bkcolor="" bkimage="" border="double,4,gray" type=0 line=200% align=center use=sp char="" num="0,black"]
سلام يالنادر ياماكر الطيب=واثني سلامي لكل شبل لبيبي
سلام احلى من لبن شمخ الشيب=يومك سألت الناس تبغى مجيبي
سويت لك لغز ومرتبه ترتيب=واشغلتنا باللغز ولغزك صعيبي
ماغير احايل به واعد المراقيب=اغز شوميي واحطه طليبي
اسوي الرمعة واقول تبي تصيب=وتقولي حذراك حذرى تخيبي
ويقول ترى راعيه عراف ومصيب=وحمايها واذا اقتفاها طليبي
ونويت اخليها على الخير والطيب=والعِقل وان كثرت تقصب قصيب
[/poet]

[c]جتني الابيات واللي فهمته منها وخاصة البيت الاخير ان الرجال يبي حل اللغز ...........رديت عليه بهالابيات اقــول [/c]

[poet font="Simplified Arabic,14,white,normal,normal" bkcolor="" bkimage="" border="double,4,gray" type=0 line=200% align=center use=sp char="" num="0,black"]
عسى البقا باللي يعد المواجيب=اللي كسبها بالزمان العصيبي
ياراعي الرقباء عطيب المضاريب=انته جنبها لاستذار العزيبي
واظنها صارت كما بكوت الذيب=اما تصيب اللغز ولا تخيي
اللغز قلته في طويل المراقيب=لامن صدى للصوت ولا من مجيبي
اللغز لايذ مابها شكٍ وريب=رمز وعلم وادراك لمنهو لبيبي
ولا يقطع الفرجة رديٍ محيضيب=ما يقطعه ياكود حرٍ عريبي
وانا عطيت يمين وقطعه ترى عيب=واللي سواتك ما يشد القضيبي
وقبلك ترى الرمعات مثل المشاهيب=من ولا ضرن بعيد وقريبي
واللغز جابنه على الفطر الشيب=افكار رجلٍ صيرميٍ صليبي
[/poet]



[c]وسلامتكم اخوكم / النسناس [/c]

هلا وغلا اخوي النسناس

هذه الساعه المباركه التي تشارك فيه بهذا المضيف
مشاركه ممتازه ومنتظرين المشاركات القادمه
اخي العزيز شوقتنا للغز الذي لم يحل هل هذا العز لم يحل حتى هذا الوقت ارجو منك وضع لغزك في مضيف اللغاز .
تقبل تحيات اخوك ابو عتيق

حياك الله يالنسناس وياهلا ويامسهلا

وعز الله ان ابيات راعي الرقباء وردك عليه خوش ابيات

ومثل ماقال اخوي خلف الرويتع الله يسلمة انت شوقتنا للغز بالحيل

وترى ميخالف لو هو محلول بس يمكن حنا مامر علينا

ونبيك تصفه جنب لغز الوبيري اللي له مدة ماحل والتفكير جاري

تحياتي لك وتر ننتظر اللغز بقرب فرصة

اخوك ابن جشعم



.

اخي العزيز

[poet font="Simplified Arabic,14,black,normal,normal" bkcolor="" bkimage="http://altanaya.com/vb//backgrounds/3.gif" border="double,4,gray" type=0 line=200% align=center use=sp char="" num="0,black"]

النسناس
[/poet]

صح لسانك على رد القصيده

وصح لسان راع الرقباء

وصراحه اسلوبك شدنا للقصه التي سببها لغز والذي استمر لسنتين

سجل اعجابي

بطرحك الرائع

وبالقيده التي رديت بها على راع الرقابء

.........ومثل ماقال اخواني لاتحرمنا اللغز

والا هو احد الالغاز التي طرحتها في مظيف الالغاز

تقبل تحيات اخوك الصغير

ابوسلطان

[c]أبشروا والله لعيناكم نطرح اللغز وتحصلونه بمضيف الالغاز [/c]

اخوكم / النسناس

اخوي النسناس

اي ٍ من الأغاز المطروحه المقصود بالقصة

وسلامتك




.