ما هي معارف نت ؟ والا بجوال ؟ الشاعر متعب فهد
لو مال حظي قلت ما مال لـو مـال
ولويّ جزعت من الصبـر والنكـادي
ولو هو حداني الوقت واردى بي الحال
تبقـى العـزوم الأولـه فـي فـؤادي
بصبر ولو جور الزمن فيّ قـد طـال
يا لين احقق من مـرادي مـرادي !!
اول ليالينـا مـن وصـال لوصـال
كنا نعيش الحـب فـي جـو هـادي
وازرع له الآمال ويزرع لـي آمـال
ويجني حصاده ثم انا اجني حصـادي
لكن ظروف العمر / والحـب لا زال
باقـي ولا يحـداه مـن كـل حـادي
اسهر علـى طاريـه وآجـر مـوال
ويبلـل عروقـي ويـبـدا سـهـادي
هو غايتي والشـوق يسكـن ويغتـال
والنوم فـي وادي وانـا وسـط وادي
حب ٍ على وضح النقا رغم الأهـوال
ما يحتميه الـلاش مـع كـل غـادي
ما هي معارف نت ؟ والا بجـوال ؟
لا والله الا بالحـقـيـقـه ( ودادي )
وحتى إيش ؟ لا صرنا على لسان نقّال
راع العلـوم السـود ظنـه سـوادي
منذ الطفولـه ليـن سميّـت رجـال
تشوم نفسـي عـن طريـق النقـادي
مـا همنـي حاسـد ولا كـل عـذال
دامه على ظنـي وحسـب اعتقـادي
ميـر الحقايـق ثابتـه كنهـا جبـال
ولوي ّ جزعت من الصبر والنكـادي
متعب فهد
