الرؤيه المحارشيه لبطوله الامم العالميه
بسم الله الرحمن الرحيم :
اخواني الاعزاء :)
السلام عليكم ورحمة الله وبركاته :
رغم ازمة النقل التلفزيوني لبطولة العالم (( حسبي الله عليك ياللي ببالي )) ورغم توقيت المباريات اللي ماله سنع (( اجل بوه واحد يتفرج على مباراه الضحويه :p )) ورغم ان روؤسائنا بالعمل بدوا يلمحون ان اللي يبي يطلع علشان المباريات يبون يخصمون عليه .
اقول رغم كل هالضروف الا اني ابقول لكم رؤيتي كاس العالم من خلال مجموعتنا .
فانا بصراحه متفائل جدا جدا جدا بهالبطوله :)
وليش ؟؟؟
مادري !!!!
بس احساسي يقول ان السعوديه ان شاء الله تبي تصعد عن مجموعته .
واللي انا اتوقع (( وما تخلى من امنيات )) ان منتخبنا يمكن ما يحقق نتيجه ايجابيه في اول مباراه ولكن ستبدأ النتائج الايجابيه من مباراة الكاميرون ثم ايرلندا بإذن الله .
واتوقع ان اللي يصعد معنا الكاميرون .
واننا نفوز بمباراة دور السطعش وتنهزم الكاميرون .
ولا اتوقع اننا نتعدى دور الثمانيه .
هذه توقعاتي لمجموتنا .....
داري .... داري ....داري ......
انكم تقولون يالله بالواحد والثنين بس ما تجينا الستات والسبعات .
بس هذه توقعاتي وبكيفي :p
الله يحوس مريركم حستوا موضوعي <<< القهر انه يسميه موضوع
متجند سيفه & الغازي :
انتم منتم فيدين كوره (( <<< تكفى يالشتالي :D )) واكبر دليل اساميكم واحد متجند سيفه بوقت الشبح والبي ففتي تو وواحد يبي يغزي وأمن الطرق ماليةٍ القاع :D:D:D
ههههههههههههههههه
رجاءًا رجاءًا خلوني انا وتوت عنخ آمون نتدارس وضع الرياضه السعوديه بهدوء (( <<< عز الله اللي راحت وطي :D ))
وبالنسبه للمفاطيح يالغازي فهذي راح اتناش انا واياك به على انفراد خبرك المشفّح واجد هالليومين :D:D:D
