وكبـودهم به اصـفــر المر مـاضاع##والـليي يعاديهم تـجيـه الـمحيفه
هذي قصيده قديمه للشاعره حصه السدحان من اهل شقراء وهي جدة امي من جهة الام "مادري وين طاح عليها جدي":)
قالت هذي القصيده بقبيلة المسعود من الاسلم عندما كانو بجة الاحساء وبجوار قبيلة العجمان
تمدحهم تحثهم فيها على الرجوع الى ديارهم وتذكر اشتياقها لديار الاسلم ومللها من الاحساء
[poem=font=",6,orange,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يالله طـلــبــــتــك والـمــــخــــالـــــيــق هـــجــاع =يــامطـلـــع الــكــافــور مــــن وســط ليـفـه
اطلـب لـيـا جــاء رايـح الـمـزن لـمَـاع =يــمـطـر عـلـى هــاك الـديـار انــظــيـــفـه
حيـث إن مـضاهـيـر الـمساعـيـد تنـزاع=عن ديـرة الـعـجمان نـبي النكيفه
نبـي نفارق ديـرة الـمد والـصاع= وإن جـــــــــابــــوا الـسربــــال ماتـم ضــيفـه
شيلـوا عـلى زمــلٍ طـويــلات الابواع=وينثـرن غـضـات الاصباع كـيـفه
يتلون ابــو مـذود لـيـا جاء الدهـر ناع=يـطـوي بــعيد القـاع لـو هي مخـيفه
مقطـانـه الوادي ورى ملـج ونطـاع=ومرباعهـم يم الحجـر والحتيفـه
يتليه الــلـي مابـنى الـخدر وشـراع=ولا كنـهـسـوا عنـد المره بــــــــــــالسقيفه
له لابـة ماهـم هـلابيـس ورقـاع=وبيوتهم مثل الهـضاب المنيفـه
تقفي ضــعايــنـهـم وياتـون رجاع=مثل الحليـف اللي معـاهـد حليفه
وكبـودهم به اصـفــر المر مـاضاع=والـليي يعاديهم تـجيـه الـمحيفه
يـاحلو جمع نــزولـهم عــقـــــب مـرباع=وإن حـضـب المقطـان واقـفى مصيفه
برفافهم تـسمـع دنينه لـيــا صاع=لا جــــــــــاء فــــــجـــــــور الـــصبــح تـــــســـمـــــع رجـيفـه
وإن جت تـــهـف ارقـــابــهـن كـل مــطــواع=طــاويـــهــن الـطاوي ســواة الكتيفـه
هـــــو ريـف هـجنٍ روحـن عــقـب الاقطـاع=يـلفـن لبو مـذود حـمــاها وريـفـه
وإن جـاه مضيومٍ على العمـر مـرتـاع=يـقضـي لوازمهـم بــنفــسٍ خــفيفــــــه
وإن جـــت ضوامـيهــم على العد شراع=تروح حيدن والمراتع طفيفه[/poem]
ابو مذود هو الشيخ عواد بن اللغيصم
