قصيدة للشاعر / احمد عايد البويني
قصيدة للشاعر احمد عايد البويني .. اعجبتني ونقلتها لكم
[poem=font=",6,,normal,normal" bkcolor="transparent" bkimage="" border="none,4,orange" type=0 line=0 align=center use=ex num="0,black""]
للعـز نـاس وللميـاديـن فـرسـان=ودوم الثقيلـه مـا لـهـا إلا جملـهـا
الشعـر بحـر وللمواقـيـف قيـفـان=والأروع الـلـي درتــه ينتشـلـهـا
والسهل يطفو فوق سطحـه بالإمْكـان=ايـات شاعـر لا وقــف يرتجلـهـا
وي والله إني جيـت ضايـق وزعـلان=ويا قلـب فـج الضيـق عنـي وقلهـا
ما هو عشاني .. بس ياقلب من شـان=ما كون شيطـانٍ سكـت عـن جُملهـا
ولا ياكـم عديـت مـن قـول سفهـان=و " سلامـا " منـي لا تبيـن جهلّهـا
ياكـم ويـا كـم بـس بالموقـف الآن=لازم عـلـومٍ مـايــلات نعـدلـهـا
لـن البـلا بقلـوب نـاسٍ وأعـيـان؟=نـاسٍ تـدس سمومهـا فـي عسلهـا
ناسٍ تلوك الحقـد مـن بيـن الأسنـان=نـاسٍ مريضـه مــا تــداوى عللها
والحين هاك العلم مـن قلـب ولسـان=صـادق وعمـر السالفـه مافتعلـهـا
واللـي يطقطـق للرجاجـيـل بيـبـان=لا جاتـه الكلمـة غصـب يحتملـهـا
يا هيه .. ذي .."ياهيه" تعني .. يا إنسان=ابسـط عبـارات إحتـرامـه قتلـهـا
إعرف ترى ربعـي طويليـن الايمـان=وصلوا مواصـل قـل منهـو وصلهـا
ربعي بلي .. للعـز والمجـد والشـان=رمـز الشهامـه والكرامـه واهلـهـا
ربعي مواقفهـم علـى مـر الأزمـان=إليـن أأأأأخـر نـاس يُكتـب أجلـهـا
أهـل المواقـف فالمياديـن شجـعـان=مـا فيهـم اللـي يهابهـا ويختلـهـا
ربعي هل التاريـخ فـي ماضـيٍ كـان=قبـل النـبـوه والرسـالـه وأملـهـا
بوقت العرب ما بيـن جـورٍ وطغيـان=وإبليـس لأصنـام المـذلـه عقلـهـا
جاها رسول الحق فـي خيـر الأديـان=بالنـور ظلمـات القـلـوب يغسلـهـا
ربعي بكـل إخـلاص للديـن وإيمـان=وقفـت تدافـع عـن عقيـده حملـهـا
بغزوة بدر سطـر لنـا الوقـت عنـوان=روايــةٍ كــان المُـجـذر بطلـهـا
ومن بعدها وقفـات فـي كـل ميـدان=يـوم المعـارك دايـره فـي عجلـهـا
وبالتابعين .. ومـن تبعهـم بإحسـان=ربعـي لهـم صـولات محـدٍ فعلـهـا
وبالأندلـس تشهـد حضـاره وتيجـان=يـوم القصـور الزاهـيـات بــحللها
كانوا أهل للعلـم فـي ذيـك الأوطـان=أرض الحدائـق والـزهـور ونفلـهـا
وأمس القريب إنشد عنه إنـت شيبـان=وما تاه منهو جـاء الرجـال وسألهـا
وأعرفه عارف .. بس هالحسد يأخـوان=يطحن بصـدر النـاس ساعـة فشلهـا
وإلا بلـي ربعـي هـل العـز والشـأن=مافيـه عـاقـل بالليـالـي جهلـهـا
لكنّ بعض النـاس فـي تـال الأزمـان=تظلـم رجـالٍ لـجـل تسـتـر خللها
ولا ودي أشعـل فتنـه بذكـر عربـان=يكفينـي أحـرق بالفتـن مـن شعلهـا
والشعـر فنـي .. والقوافـي والأوزان=مـا عمـر فكـري بالمواقـف خذلهـا
وللعـز نـاس وللميـاديـن فـرسـان=ودوم الثقيـلـه مالـهـا إلا جملـهـا
[/poem]
