حفل دعم الشاعر نزهان الشمري يقام بالرياض

أخواني أخواتي

بعد السلام


تم حجز قاعة الريانة بالرياض ( مقابل أستاد الملك فهد ، بجانب قصر ليلة حياتي )
والدعوة عامة .. والقائمين على هذا الحفل ( عبدالله فيصل الجربا وأحمد الحاكم الغشم وياسر مدحي الخريصي )

علماً أن الحفل قام بتوجيه الشيخ عبدالله الباشا العاصي الجربا والذي رصد مبلغ 300 ألف ريال للحفل مبدئيا والرصيد مفتوح حسب تصريحات المسؤولين عن الحفل ،

علماً أن الحفل مستمر

فشكرنا للسشيخ عبدالله الذي عودنا على الوقوف مع أبناء قبيلته وقفات تليق بمكانته وأسمة وأسرته ....

لذا نآمل أن نحذوا حذوا أبناء قبيلتنا ونقف وقفة حقيقية مع شاعرنا نزهان الركاد الخريصي الشمري


وتقبلوا شكري وأحترامي

ان شاء

وشكرا لمن يدعم القبليه


شكرا للشيخ عبدالله الباشا

شكرا لعبدالله فيصل الجربا وأحمد الحاكم الغشم وياسر مدحي الخريصي


شكرا لك على هذه الاخبار

وش الموضوع

انا مافهمت وعذراً اقصد ليش يبون يدعمونه عسى ماشر


ارجع واقول عذرا ً

ياحبذا لو.........................


لو ان شيوخ شمر ورؤوسها رصدوا هذا المبلغ للافواه الجائعة من المسلمين ومنهم من شمر


او رصدوه للتصويت لنزهان والربع وقبلهم اللويش


....................


بصراحة هذه عملية دعاية واعلان لانفسهم قبل نزهان



حبي واحترامي لهم جميعا ولكل شعراء شمر


ولكن كلمة حق اريد بها الحق لاغيره

.

انا توني فهمت هو لأجل التصويت على شاعر المليون






اخي المالك الحزين
ترى كلامك مردود لأنك قلت لو ولو تفتح عمل الشيطان
وبعدين
نزهان والربع واللويش ماهم افواه جائعة

ودك الرجال ياقال يثمن كلامهم ولا يدخل من طرق التفرقه


هم اكيد ما تبلورت الفكرة إلا تالي واكيد انهم قالوا بدل مانخسرهم كلهم امكنوا الباقين



وبعدين التمس لهم عذر



:::::::::::\

شكراً ياراع الموضوع
وعلى القوة

مالــــك الحزيــــــــــن

اقتباس:

---

ياحبذا لو.........................


لو ان شيوخ شمر ورؤوسها رصدوا هذا المبلغ للافواه الجائعة من المسلمين ومنهم من شمر

---

اقتباس:

---

او رصدوه للتصويت لنزهان والربع وقبلهم اللويش

---

الســد العالـــي

اقتباس:

---

نزهان والربع واللويش ماهم افواه جائعة

---

اعتقد لو راجعت كلام ( مالك ) كان عرفت انه يقول الأفواه الجائعة من المسلمين ومنهم شمر .

اقتباس:

---

ودك الرجال ياقال يثمن كلامهم ولا يدخل من طرق التفرقه

---

انا اقول ودك الرجال اذا كتب عن موضوع يتحرا الدقه اكثر ولا يستخدم كلام ما يعرف هو يثمنه ،

خاصة اذا كان كلام مالك مكتوب امام الجميع ومعروف وش قال وقصده وشو وخاصة انه ماهو كلام

منقول عن فلان وفلان موجود امامنا ونشوفه .

اقتباس:

---

انا توني فهمت هو لأجل التصويت على شاعر المليون

---

حاول تفهم مره ثانية الظاهر انك استعجلت في حكمك على مالك الحزين .

احتمال انك من النوع اللي ما يفهم من أول مره شد حيلك وراجع الموضوع

شامان


النصيحة ماتقال عبر المنتدى باسم مستعار لأجل تفتير الحيل الانسان إذا يكتب باسم مستعار يكتب بالشي اللي يجمع

اما اذا اراد ان يثرب على احد يتبيّن بارك الله فيك


وبعدين انتم داخلين بنواياهم هل تدرون انهم ما تصدقوا ولا ملوا الافواه الجائعة


اتمنى ان يكون الرد في إيطار الموضوع اللي مكتوب

اما اذا اردت ان تقول ما عندك افرد موضوع وتكلم عن هالرجال اللي مابان منهم إلا المعزه لواحد شمري



تمس على خير انت ومن يقرا

السد العالي

اقتباس:

---

وش الموضوع

انا مافهمت وعذراً اقصد ليش يبون يدعمونه عسى ماشر

---

مشاركتك تقول انك ما تدري وش الموضوع ؟ ؟

والموضوع مكتوب ( حفل دعم الشاعر نزهان الشمري )

يعني نفهم من كلامك انك غير متابع لشاعر المليون وما دريت بالموضوع الا اليوم ( معذور)

توقيت مشاركتك كانت الساعه ( 16:09) يعني الساعه اربع العصر

اقتباس:

---

انا توني فهمت هو لأجل التصويت على شاعر المليون

---

كانت مشاركتك الساعه ( 20:09) يعني الساعه 8 .

يعني بعد اربع ساعات فهمت ما شاء الله عليك موضوع ما تدري وش سالفته وتكتب يا جماعه انا

ما ادري وش السالفه وتشارك تبي تفهم الموضوع ، وبعد اربع ساعات رديت انك فهمت وتتشره على

الناس اللي طرحت رأي متواضع وشخصي ومهو عاجبك رايهم .

اقتباس:

---

اتمنى ان يكون الرد في إيطار الموضوع اللي مكتوب

اما اذا اردت ان تقول ما عندك افرد موضوع وتكلم عن هالرجال اللي مابان منهم إلا المعزه لواحد شمري

---

ما اتوقع اني طلعت عن اطار الموضوع

وبعدين ناس جزاهم الله خير وفلوسهم وكيفهم ان شاء الله يحرقونهن ، ( مالك ) طرح رأي منطقي

انه يصير صرف فلوس للناس الجائعه ( وش اللي حرق اعصابك وخلاك تتنرفز على رأي مالك) .

^
^
^


اقول شامان


أخاف يصير هالمبلغ المرصود مثل المليون اللي قيل عنه العام :)

والله ياهم يقولون إن الرجال قام يطارد غدي هالمليون يجي
بس الظاهر إنه ماهو راضي يجي :)


وبالأخير عافته نفسه والظاهر طقها اليأس shlwee7





:315r:

عبدالله المهيني

اقتباس:

---

أخاف يصير هالمبلغ المرصود مثل المليون اللي قيل عنه العام

---

مالك الحزين يقول :

اقتباس:

---

بصراحة هذه عملية دعاية واعلان لانفسهم قبل نزهان

---

د خريصي

اقتباس:

---

علماً أن الحفل قام بتوجيه الشيخ عبدالله الباشا العاصي الجربا والذي رصد مبلغ 300 ألف ريال للحفل مبدئيا والرصيد مفتوح حسب تصريحات المسؤولين عن الحفل ،

---

بما

ان شاعر المليون ( مليون درهم ) اذا مهو دولار والله اني ناسي ، والمبلغ المرصود من قبل الشيخ عبدالله الجربا هو ( 300 ) الف ريال والرصيد مفتوح ...... انا عندي اقتراح :

- بما ان المبلغ الاولي 300 الف والرصيد مفتوح ليه ما نجمعهن وما نرسل فيهن رسايل لان اللجنه مزاجية مثل ما شفنا بالحلقه الثانية ( تطير فلوسنا ) ، الافضل لنا نجمعهن ونخلي اللي يبي يصوت يصوت من كيفووه وما نتدخل الا عن طريق حث الناس يرسلون ويصوتون فقط ( والفلوس ) اللي تم تجميعها نعطيها ( كــــــاش ) للشاعر \ نزهان الشمري ... وخاصة ان صوت نزهان وصل لنا وما لنا حنا ومال الللجنه ورسايلها ونعطيه جائزة هالقصيدة لو افترضنا ان المبلغ يوصل ( مليون ريال ) خلال أيام .

بيني وبينك يا المهيني أتمنى انه يتم تجميع الفلوس واعطائها كجائزة للشاعر النزهان بدال تطير بالرسايل وما ندري عن مزاجية اللجنه .

تتوقع لو خسر النزهان راح يجمعون فلوس ويرضونه مثل هالمبلغ أو تتوقع راح يفعلون مع عقاب الربع لو صار هناك تصويت عليه من قبل اللجنة . ( والا تدري حنا وش علينا كل واحد يسوي اللي يبيه ويشجع اللي يبي )

:) كل هذا توك تقول وش علينا