قصائد من من بعض اعيان بيت ابن عبيكة
بسم الله الرحمن الرحيم
أولاً / السلام عليكم ورحمه الله وبركاته ،،، وعساكم بخير كلن بسمه وحياكم الله ياعزوتي
ثانيا / اعذروني عن الانقطاع عن المضايف بسباب ضروف العمل وسفرات ومشاغل الدنياء الله لا يشغلنا وياكم إلا بطاعته ،،،
ثالثاً / حبيت اشارك بالموضوع هذا وعسي انه ما هو مكرر وعسي انه يعجبكم ،،، وعذرونا عن القصور لكن انشاء الله الايام الجايه راح انزل اللي يعجبك يا بعد ...
اما الموضوع اليوم فهو قصايد من بعض اعيان بيت ابن عبيكة أمري فريه (( قنا ))) بسم الله ...
هذي القصايد من اقوال بعض اعيان بيت أبن عبيكه أمري قرية قنا من قري منطقه حائل وهم بيت كرم وجود وقالوا وقيل فيهم الكثير من القصائد والاعمال التي يحمدون عليها وهم من الرمال من شمر ))
ويقول فيهم // فهد بن صليبيخ
[poem=font="Times New Roman,5,blue,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/7.gif" border="none,4," type=0 line=0 align=center use=ex num="0,black""]
عليه سبع خلول من دور شداد=وبن عبيكه مبنين الروايا[/poem]
وهنا يصف الشاعر سبع الخلول التي ترد بلدتهم والطرق المورده للبلد ،، ولضيوف يردون عليهم
وبعد هذا التوضيح ناتي هنا لنذكر بعض قصائد اعيان بيت ابن عبيكه
واللي منهم // مبارك بن محمد بن عبيكه يقول :
[poem=font=",5,blue,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/7.gif" border="none,4," type=0 line=0 align=center use=ex num="0,black""]
ياضاق بالي جبت صفة جذامير=وشبيت نارن مثل نار الحرابه
ثم أحترفت وجبت حدب المعاميل=يركن علي جمر عقاب إلتهابه
أحمس وزين حمسته للمساير=وللي لفتنا من بعيدن ركابه
وكبه بنجرن ياصهل كنه الزير=من دارنا عمر وقطع من هضابه
وصبه علي مثل الزبيدي مغاتير=يا شافته العذري تمني خضابه
ياما حلا توريدها عقب تصدير=ينقاد كما سلك الحرير أنصبابه
يا شفه الطرقي بلج بلجه الطير=يشع من وجهة عقب وسم الخلابه
يبرا لهن من مير غيد مباكير=ونعقب الفضله علي من هذابه
وأن جن مع الخل الشمالي دعاثير=شرهين باليمني نحني رقابه
وأن ساعفت نحط كبش علي المير=وأن عاضبة يسد قولت هلابه
نبي ليا مدوا وقفوا علي خير=وتوافقوا من شاف شي ٍ حكابه
وقروم ربعي متعبين المباهير=يا شافن وشفته بدا مرحبابه[/poem]
ومما قال / عيادة بن عبيكة .. من قصيده طويله
[poem=font=",5,blue,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/7.gif" border="none,4," type=0 line=0 align=center use=ex num="0,black""]
يا بان ضوء الصبح قلطت محماس=علي وهج جمرن توقد سناها
وكثرت أنا الطبخه علي غايت الرأس=تبري القلوب اللي تطارد غشاها
وزينت أنا الحمسه علي الكيف بقياس=وكبيتها بالنجر حين أستواها
نجرن ليا حرك تقل ضرب نحاس=دب الليالي مايبطل عواها
ولقم بدله مولع مالها أجناس=من حب صنعاء غابي له عباها
وصبه لمن حولك علي الزير جلاس=أهل السموت اللي بعيدن مداها
وأشنه الممرور علي الخيل مدباس=تقفي عنه صم الرمك يا نصاها
من فوق ما تاخذ علي الخيل مرواس=يا جدعت رينات الانفس حذاها
يقول عيادة هرجة ما بها باس=تطرب لها كرام اللحا من حلاها
طول الجدار وقصرة الرجل نوماس=يا عاد ما لرجل داعن دعاها
خلك علي بابك تقل لون حراس=لي جو عليهن محترينن عشاها
تصير لعيون الرفاقه معك باس=وأن كان ما تدعي تروه من عناها
ياجن مع الخل الشمالي لها ضراس=والكل تشكي رجلها من جفاها
نحيي بهم من قبل تجديع الالباس=نقلط من صيني غيبه مساها
هذات سلم جدودنا قبل من راس=واللي بعدنا كان ربي هداها[/poem]
تمت وهي من قصيدة طويله ،،،
ومما قال / مبارك بن عيادة العبيكة ،، يخاطب ولده عيادة ،،،
[poem=font=",5,blue,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/7.gif" border="none,4," type=0 line=0 align=center use=ex num="0,black""]
البارحه عيني قزاها النود=عدي علي يا قرم الأولاد كالول
أبوك أنا مانا خطاة الرماد=أنشد عني يا قالوا الزاد مقلول
بنيت لك قصرن حلي العقاد=ومزارع ومقاطر يبرا لهن شول
وفتحت لك باب وعنده منادي=يا مدور الطولات طل به وأنا أطول
بابن يبي من ينطحه بالجهادي=مثلي ترن من لذة النوم مشغول
يلفي مناخي سبع خلول وكادي=مع كل خل لا فيات تقل جول
أنظر مناخ الجيش كان أنت غادي=تر كرمتي يومن تعشيك الي الحول
صبرت أنا يوم السنين الشدادي=يوم أنت بزر واللذي فيك مجهول
شف لحيتي بيضا عقب السوادي=يابد من تفريق الايام بالطول
تري الحداري من وراها سنادي=ولابد من بيت علي الحق منزول
حذراك عن شور البغيض المعادي=من طاوع العدوان ينسف علي الكول
سوالف الاجواد عند المهادي=ولا فاد بالجاهل كثيرن من القول
وعطيك من الأجواد هرج يزادي=وجمعت لك من كل الاصناف مبلول[/poem]
تمت ثم رد عليه أبنه // عيادة العبيكة وقال :
[poem=font=",5,blue,normal,normal" bkcolor="transparent" bkimage="http://www.shmmr.net/vb/mwaextraedit2/backgrounds/7.gif" border="none,4," type=0 line=0 align=center use=ex num="0,black""]
الله لحد من عله بي فوادي=عيا يبرد لاهبه كل شخلول
وش موجب تبني علي غير قادي=لا خاسر شي ولا عاد مشكول
ياريفهن وقت السنين الشدادي=الي أخطن رموع الوسوم والسعر مقلول
الي جن تقل بأيام وقت الجدادي=وعقب العريض تعقبه كل مبلول
لا تنصح اللي تشوف برياه غادي=ولا ينصح الوارد حذا كل متبول
ولا هو مريد قول من به سدادي=ولا ينفع العلمه عيا كل مهبول
ولا ينفع الماخوذ صوت المنادي=ولا ينفع الشاكي حلي كل ماكول
اسام وترك عنك باق الدوادي=مالك تحر تعترض لك لنثبول
ربك عقاب السنين رحم العبادي=وشره علي شب المعاميل هلهول
الساكن اللي قاعد بالبلادي=مع المواشي جامع كل محصول
بدل عسيبه بسنين الهنادي=مع الرفاقه زاد حظه وقبول
يارب تلحقني بغاية مرادي=عزاه يا منهو من الربع مثبول
أقرب قريب صاير لي قيادي=يبحث خفايي ولا أدري كيف ابقول
ولا تعترض لي جوف كل البوادي=أن ما هداك الله قل بي ونا أقول
أنا صديقك لا ترخن العضادي=أنا الذي ارفع جنابك عن الكول
أنا الذي ما طيع هرج الدوادي=والعين تسهر لا بدا بيك مملول[/poem]
هذا والسموحه عن القصور ،،، والاخطاء الأملائيه
وتقبلوا خالص تحياااتي
