السلام عليكم ورحمة الله
يامال فرقا العين:qannaj:
[poem=font=",6,white,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
الا يامال فرقا العين يامال فرقا العين=يابعد الفرق بين الناس ياخلايق ياكافي
خطاة الزول صورة يحسب الجمعة ضحى الاثنين=يغر الاجنبي زوله وفي ملبوسه الضافي
فلا منك قرعت زناد عرفه مع هل التثمين=لقيته عملة ماتندرج مع كل صرافي
يحسب ان الهوى خبلان قضّبك مفرع السوقين=يعقب له ثلاث وحاب يذري فوقه السافي
هبيل فواد يمرح له بعنة لابتن سارين=تكوبع في عباته وانسدح والهجن زلافي
الا يا تابع المقفين ؛ تتبعهم وهم مقفين=نقاصة عقل ياللي تتبع معطين قافي
ربيعٍ ماتذوق حماه لو يذكر نباته زين=فهو من حظ غيرك فيه له مربع ومصيافي
ورا ماتعتبر يا دابشة والا الذهين ذهين=يقيسك في طرف حبله وياخذ سدك الخافي
ترى درب الشكالة والسعادة صك عنك يمين=حاشا لله ما تارد وتشرب مشرب صافي
لقيت الشور ما ينفع ويقعد عيلة الغادين=على مثل ايش ابا انفخ لي على كير وهو طافي
يقوله واحدن راضي على الاقصين والادنين=وكل هلال لابده بيكبر وينشافي[/poem]
عبد الله اللويحان
لكم التحية
