رأس الدريعى وفزعه ابن هكشه الرويلى
السلام عليكم ورحمة الله وبركاته
اخوانى الاعضاء الكل منا يسمع بالمثل الى يقول راس الدريعى انت جايبه وكأن مابه احدن قادر على هالرجل من قوه المثل الذى وضع الدريعى ابن شعلان من أقوى واشجع رجال العرب فى زمانه فهذا الشجاع قد خر صريعا على يد الفتى سعود ابن سعيد الهذلاج الشمرى الذى يبلغ من العمر بذالك الوقت يعنى يالربع بارودى
يقولون وانا والله سمعت بهالقصه من هالشياب بان عنزه وشمر والظفير وباقى القبايل التى تقطن بجوارهم بانهم اتفقوا على ان الحايف مهدور دمه من اى كان
ويوم من الايام وهى تغدى ناقه ابن هذلاج وهو يقوم ويبحث اعنه وهو ياصل ديره الروله وهو يطب عليهم بوقت متاخر من الليل وهو يصيح ابن هذلاج بويضا روه روووووووووووووره وهو يقومون الروله يتناخون ويفزع الدريعى وهو يذبح ابن هذلاج الشمرى وبعد مده ويجيك ولد عم المذبوح ويقص القصه على الدريعى بان ابن هذلاج يدور على ناقته وهو يصد اعنه الدريعى ابن هذلاج له من البنات ثلاث ومن العيال له ولد واحد ينقاله سعود الولد هذا بعد مده من موت ابوه يتعلل يم عمه الوكاد بهاليوم هذا عمه ذابحن له شاه وهو يعطى سعود فخذ قال روح ياسعود هذى لامك ولخواتك والله وهو يا خذه سعود ويروح يم هله ويدخل الشق ويلقى امه نيمه وهو بناديه يمه يمه هذى من عمى لج قالت امه والله العن ابوك لابو عمك داخل على براس الدريعى الى ذبح ابوك وهى تقوم وتكسف بسعود وبعد مده حول الاسبوع وسعود متضايقن مايدرى وش يعمل وهى تناديه اخته الكبيره
تعال يا سعود هذا سيف ابوك وهذا زهابك وانحر الروله يا يدفنونك يم ابوك ولا تاخذ بثاره
الوكاد وهو يركب سعود ذلوله وينحر يم الروله ويوم وصل ديره الروله وهو يلقى هاك الراعى الاسمر وقال سعود يخاطب الراعى هذى ديره الروله قال الراعى ايبله يالولد انت ولد ابن هذلاج قال الولد لا لا مانى ولده قال الراعى تعال يا ولدى انا من عبيد الشريم وانا اشتغل عند الدريعى من شده العوز
لكن اذا ودك تاخذ بثار هلك بحر لهاك الوغدان العب معهم وعند المغيب ترى الدريعى يبارى انياقه رجلى واذا خلصت من الدريعى هاك البيت ترا مايفكك من عشاير عنزه الى هالبيت
وهى تغيب الشمس ويجيك مروح الدريعى وهو يركض سعود يم الدريعى وهو يقوله يا الدريعى تعرف ابن هذلاج الشمرى وهو ينتخى الدريعى انا اخو عليا وهو يقمز سعود عليه وهو يضربه بسيف من فوق المتن وينغشى عليه الدريعى ويركب فوقه سعود وهو يذكيه واضرب جديله الدريعى ولا هو قاطعه وهو يركض على بيت ابن هكشه وهم يتناخون عنزه اخوه عليا يم بيت ابن هكشه البيت به حرمتين البضا تصيح يا ويلى يالدريعى وهى تضرب سعود بمخز مع هالكتف واما الثانيه وتسحب العمود وتتحيزم والف نعم منهم اجواد بيننا وبينهم الله وهى تفك دخيله الوكاد عنزه يم بيت ابن هكشه وهى تقوم الحرمه وتقول لراعى روح صيح على ابن هكشه
ابن هكشه هو واخوه مبعدين اشوى وهو يجيك الراعى يم ابن هكشه وهو يقو ابن هكشه ما يجينن الراعى الى وبه شين ويعلمه ويركب افرسه ويجيك ويشوف جمع الروله وش علامكم قالوا دخيلك ذبح الدريعى قال والحين هو شنو قال دخيلك قال يالله يا الروله كلن يروح لبيته والا بينى وبينكم مراح المغازى ابن هكشه مصيبه من جبابره عنزه
الود الحين جالسن بديوان ابن هكشه ابن هكشه عمره حول الثمانين قال يا سعود ابن هذلاج روح يم الروله وقولهم ابن هكشه يبى نصيبه من الذبيحه قال يا طويل العمر انا ذابحن شيخهم قال روح مثل ما قلتلك ولا والله لادفنك يم الدريعى وهو يروح يمهم يا سعود ويقولهم قوه يالرجال محدن رد عليه السلام قالهم ابن هكشه يبى نصيبه وهم بعطونه نصيب ابن هكشه من اللحم وقال ونصيبى من اللحم وهم يعطونه نصيبه من اللحم
وهذا خير دليل على قوه ابن هكشه الرويلى
وبعد مده قال ابن هكشه اسمع يا سعود هذا ذلولك وهذا سيفك وهذا مشعابى روح يم هلك ومحدن يقدر يقربلك من عنزه ومشعابى بيدك
قال سعود يا عمى عندك حرمتين السودا والف نعم والا الثانيه ملعون الوالد بحر ضربتن بالمخز
ضحك ابن هكشه قال السودا الى دافعه عنك هذى اخت الدريعى الى ذبحته انت والثانيه حرمه اخوى
قال سعود طلبتك يا عمى قال اطلب قال طلق الحرمه الثانيه ترا ماتجيبلكم الى الفضايح قال ابن هكشه صدقت يا ولدى ويقوم ابن هكشه ويقول لاخوه طلق حرمتك وهو يطلقه
رحمه الله على اموات المسلمين
اخوكم الرطاب
