وصف رائع من شاعر مبدع

خوية درب عـــمــــري ماخذاني دونها النسيان
...............وأنا يأهل الملامة مارغبت العيش وحـــداني
أبيها مهرة ماعــــسفت صغيرة وبنت حــصــان
..............أبيها اللي يفك المشكلة ويزبن الجــــــانـــي
واخيـــها لاتعـــــزوى باسمها فــــزوا له العربان
..............يحق لها الفخر في قـــولة ال فلان جـــــداني
ابيها في بحر عــــــشرين لازود ولا نقصــــــــان
..............ابيها أقصر طيله والوصوف اشكال والـوانـــي
أبي الجبهة كمالصبح وكما القوس اسود الحجان
..............أبيها ناعسات ونرجسية سود الأعــــيـــــاني
وأبي رمش كما ريش يغطي الثلج في الأوجــان
..............وأبي جفن يشيل الرمش طـــربان وكسلاني
وأبي خــد كما ورد تنمىفي طــــرف بــستــان
..............وأبي خشــم صغير مثل حد السيف شاماني
أبي البسمة كما البرق وثنايها كما المـــــرجـان
...............وشفاها جمرتيــــــــن وفمها خاتم سليماني
وأبي شعر مثل ذيل الفرس لاطـــبت الميـــدان
..............أو الشال لامن بات ليلة بيــــن الأمتـــــانـــي
وأبي عنق سواة ابريق فــــــــضة نــــاتق مليان
..............وصــــدرة كـــنه مــرايه عليها طلع رمانــــــــي
وأبي جيـــد كما الجدول وقد مثل غصـن البــــان
.............وخـــصر مثل مجدول العنان وجـــسم ريانـــــي
أبيها بنت عــز ومن رغـــدها يشتكي الفســـتان
..............أبي الدقة وأبي والرقــــــــة بطرافــــها شاني
أبيها نابية ردف وبـــــطن ضامر جــــــــوعــــــان
.............أبيها مدمجة ساق وقــدمها لســـان ثعبانــــــي
أبي المشية كا اللي طالع من المعركة كسبان
.............وأبيها ترش مع خطواتها مــــسك وريـــحانـــــي
وأبي صوت ليــا مني سمعــته كن فيه الحــــان
.............يدغدغ مسمعي ويثير كل السحر في أشجاني
أبيها لوحة ماصـــــــــــــورتها ريشـــــة الفنــــان
.............أبيها جـــوهرة ماجابـــها قاصــــــــــي ولا داني
أبيها تنتـــــصر من زمان حــــطني نيشـــــــــان
.............وتبشر بالغلى اللي مالفابه واحــــد ثــــانــــــي
أبيها حب وأخلاص وهواجيــــــس وفرح وأحزان
............أبيها مثل مادكتــور أهالي العشق وصـــانـــــي
مهرها قـــــلب وشعــر يهـــز القلب والوجــدان
............والبسها القصيد وتصبح أوزاني وقيفـــــانـــــــي
أبي اللي فات صعب ومن لقـــــــى العـــــنوان
............يرد العلم والا أفضل أبقى أعيش وحـــــدانـــــي

الشاعر ناصر القحطاني كما سمعت.

أخواني أتمنى أن تنال أعجايكم والمعذرة ربما يكون هناك بعض ألأخطاء الأملائية

السلام عليكم

اخي ابومشاري

شكرا لك على المشاركه بس الظاهر انك من زمـــــــــــــــــــــان ماجيت المظايف :)

فيه مضيف للشعر المنقول يعني تطورنا :)

ادري تبي تقول باختصار وش تبي؟؟

ابي اقول ياحيي الله لايهينك ثاني مره حط مثل هالقصيده الحلوه هناك عندهم بالشعر المنقول ولك التحيه


ادري حاقد على شان التوقيع بس يالله مشيها :)

أخوي فلاح
هلا والله صادق لي فترة مامريت الكمبيوتر
ماعليش أنا آسف