سليمان الحدب يثني على ذيب الشمري..قصيدتين
[align=center][grade="FFFFFF 00BFFF 0000FF 00BFFF FFFFFF"]
سليمان الحدب الشمري ( شيخ الزرعه من الثابت )
..
سر ياقلم واكتبٍ بيوتٍ مسماه
احرف ثلاثه للمراجل تتمم
احرف ثلاثه تعطي الفعل معناه
معروفةٍ عند النشاما وتلزم
هذي حروف (الذيب) اسمه ومسعاه
( ذيب ) الطنايا بالقوافي معلم
اليا تكلم يعطي الفعل مجناه
بأفعال شمر ياهرج مايتلعثم
وبه شايةٍ من ضيّع العرف ينصاه
يلقى النصيحه من فهيمٍ يفهّم
وبه شايةٍ قرمٍ حبيبٍ محياه
بطيبة نباه لضايق الصدر بلسم
وله لابةٍ من ضاع حقه تمناه
زهيد ماتصبر على الظلم والغم
( عصلى عمودي ) في نهار المثاراه
والمشلحيه لتايه الراي ترسم
يومٍ نخت فايز من الضيم تنخاه
زهد كما حرٍ زهد يوم يهظم
وهذا قليلٍ من كثيرٍ نسيناه
والمعذره ياذيب وانتَ معلم
...
...
...
جتني رساله من سليمان مهداه
مبنيةٍ ماتقبل الكسر والظم
شهادةٍ من عند مثله وشرواه
نهزم بها عشّاقة الظلم والذم
اذا اقتنع بإخلاق شخصٍ وزكاه
التزكيه فيها الاجاويد تهتم
عاقل ولا يعطي شهاده محاباه
بالكذب مايثني على الخال والعم
جده سمي السيف في فعل يمناه
والناس بالسيف الحدب تارد الجم
مايختلف بين النظاير والاشباه
ولا قال تم الا يشوف القمر تم
يستخلص الحكمه وتأتي مصفاه
مثل الحليب اللي من اللحم والدم
ماهو مركّب بالمكانه وبالجاه
الطيب من ساسه يفرّق ويلتم
..
ذيب الشمري[/grade][/align]
