قصيدة للشاعر ( محمد العبدالله القاضي ) شاعر نجد الأول
[poem=font="Simplified Arabic,4,white,bold,normal" bkcolor="transparent" bkimage="" border="solid,4,white" type=0 line=0 align=center use=ex num="0,black"]
عسى عسى اللي بالأسى يبعد الأسى = يغطي خطأ امس بطلمس الشمس ساتر
فجا مالجابي داج في لاج مهجتي = رجيتها رجوى رجا راج طاير
بالاقدار دار مدير الافكار دالبي = كما فر دولاب الدواليب شاطر
اسايل رسول الرسل يرسل رسايلي = كما اني اسير بالمعاسير حاسر
ياعل عوص الهجن والوجن بالعجل = عوجوا لي عجالن قدر فنجال صادر
على علاكيم وهجنن همايم = هميمات هماتن حداد النواظر
هجنن هجاهيجن مناهيج لوجهت = تروم طمع قطع الحزوم الدعاثر
مناجيب انا جيب المواجيب واجبي = وعلى من تعالى الكور فرضن يبادر
بالارسان بامراس اربعوا روس عوصكم = من الضيق افيق فداير الفكر حاضر
اسجل كاتسجيل السجنجل سجلتي = ازجها بزاج من زجاج المحابر
سطر للططر طرس القراطيس والوطر = خطر كالمطر من زجر حور الزواجر
سلامن تسلسل من سلايل مسايلي = بالارسال سار بسر الاسرار ساهر
سلام خضوعن من وضوعن يضاعف = سنة الفن بالفن يلف الولف باهر
تحيات حين عدة الحي والحيا = تلالا تليليهن تلال الجواهر
مطيفن لطيفن من ظريفن ينمق = نورن مثل ناره نور نار المشاعر
فلما انتهى يادال يامنتهى البهاء = صفيّن صفالي بالتصافي معاشر
فهو سيد ساداتي وقادات مهجتي = حبيبي رحيبي عن ريا الريب طاهر
نشا بالهوا شاه المها شارق البها = كما غصن موزن ناعمن فوق ساهر
طفلن لطيفن لي عطوفن ليا طرت = طواريه طيرن الدموع المحاجر
فان سال عمن سال عنهم ولا سلا = طوى الياس وامسى ساهر العين حاسر
قولوا ولو طال النيا وابعد المدا = تراني على العهد الذي كان خابر
نهاري جليس مسجلاتي وبالدجى = جليس الجوار الساهرات الزواهر
اجول ولي قلبن خجولن موجّل = سقيمن مقيمن بي وهو لك مسافر
لكني بروجات الهواجيس لوجهت = غريقن بلجات البحور الزواجر
تجلجل بلاجي لجت الموت والتجا = على حال جانب جامد الصبر عابر
فلولا ان لو ثم تلويت ليتني = لداع الغرام اني مجيبن مبادر
اعلل عليلن علته عال عرفها = ومن شف اشافيها يشافيه قادر
فان بلبلو بالي عذالي وعالجوا = فما فيه لاوي منكر الشوق باير
ولا لامني الا لأيمن بلامها = علامي الاوي لايمن من غير عاذر [/poem]
