ياحمود قللي وش بقى للمساكين=دام الطمع ياكل من اكواخ الايتام
\
خاشر قليل المال راع الملايين=صار الغنى للفقر من ضمن الاحلام
\
بقدورهم يطهون كل الضعيفين=ذاب اللحم واللي بقى جلد وعظام
\
جرّت قلم لفلان تلغي قوانين=ارقاب راحت والسبب جرّت اقلام
\
كان الفساد ان صار تستغرب العين=واليوم عشعش بالاصابع والاختام
\
كان البحر للناس تشكي له البين=واليوم يزرع دونه جدار واسيام
\
مشروع يسوى الف يرسي بألفين=وشلون!! تلقى العلم مع بايع الخام
\
وأكبر مصيبه زادت الماي للطين=اسعارنا زادت من الرز للجام
\
تسابق التجار مثل المجانين=مافيه شي(ن) ما تدبّل من العام
\
مابه وضايف والعماله كثيرين=وجرايم البنقال تنشر بالافلام
\
زحمة اجانب بالبلد ترهق العين=الشعب عاطل والبطاله من اعوام
\
بالسعوده نسمع لنا سنين وسنين=يامجلس الشورى نبي دعم واقدام
\
تكفى يابو متعب زعيم السلاطين=يالليث يالضرغام ياعز منضام
\
ياللي دخلت بيوت ناس(ن) فقيرين=ياجابر العثرات نرفع لك اعلام
