[poem=font="Simplified Arabic,5,white,bold,normal" bkcolor="transparent" bkimage="" border="none,4,darkblue" type=2 line=0 align=center use=sp num="0,black"]
الوصف
يالـوصف أنا جــيـت يـمــك تايـهـن مهتدي = مـا بين ورك المـطــيه وبين وبــر السنام
التيه عـشـعـش بجــوفي واسـتباح جهّـدي = ينعـق غــراب الليالي لــين طــار الحمـام
جـيتـك أدور مـن الحـكـمـة زهـــاب وهدي = العـمر ضاع أكـثره وأن طال سبعين عـام
اللـغـز فنجـال والعـرّاف قيدني وحـير يدي = عـجـزت أدل المـعـاني وأهــتـدي للكـلام
يضيع شـعــري بوصـفه والحـــروف تغـدي = في عـينها الـفـجـر ســلّـم عـاتقــه للضلام
للشمس تشبها ولا هي من شبيهات الجدي = ولا الـقـمـر مثلـها لــو قــلـت بــدر التمام
كــنه حكـايات ليله وألـف ليله تـبي تبـتدي = مـن أول الحـلـم لآخــر طيف بالعين نــام
أبســط تواصـيفـهـا أن الـهـــدب سـرمدي = وأصعب تواصيفها نوض وغشاه الغمام
أحــــترت فـيـها ولا اسعـفني نصــيبً ردي = لا ذاخــراً جــهــد عـنها ولا قـلـيـل اهتمام
يالوصـف أنا ذيب روحــي للضـلوع يعدي = من شفـت بيـض الثنايا بـرق خلف اللثام
الحـرب حـربه وأنا الغـــازي بغصـن ندي = مدري دنى المـوت أو قرب زمان السلام
الكحــل ورموشها والـخــال فـوق ( . . . ) = واجد جيوشه وأنا لحالي بوسـط الزحام
[/poem]
