اقول ان الابو والجد ( شمر )
[poem=font="Simplified Arabic,6,white,bold,normal" bkcolor="transparent" bkimage="" border="outset,4,blue" type=0 line=1 align=center use=sp num="0,black"]
بداية كلمتي يارجال شمر = بذكر الله وابطلب منه خيره
وثاني كلمةٍ ياعيال عمي = سلام الله على وجيهٍ سفيرة
سلام الله على عبدة و زوبع = وسلام الله على الأسلم وأميره
جمعنا الله بين اجا وسلمى = بمجرى الطيب أو انه محيره
بدارٍ جاد به حاتم وعنتر = وجعلها الله للأجواد ديره
وشمر جادو بحايل وسادو = ولهم تاريخ و امجادٍ وسيره
ولو إن الهرج عن حايل وشمر = يطول الشرح بعلومٍ كثيره
ولكن مقصدي باقول كلمه = ولا تخفي على وجيه العشيره
اقول ان الأبو والجد (شمر) = ولا جدٍ لنا بعده وغيره
واقو احنا السناعيس الطنايا= واهالي لحيسةٍ لو هي كثيرة
واقول اجا معا سلمى وحايل = وشمر نجد وشمر بالجزيره
اسامٍ لا معه بين القبايل = وأهل امجاد وصحونٍ كبيرة
واقول لمن بغى نيل المعالي = يحاذي بالعمل ذيك المسيرة
وترى شيئاً يناله من سعاله = يعم الكل في شره وخيره
وترى الفرقة ذهابٍ للقبا يل = تعادل سل سيفٍ من جفيره
وأنا ما أحب أطول بالقصيد = لو ان القافية ماهي عسيرة
وكلامي يفهمه من كان منكم = سديد الراي او حسن البصيرة
وختام القاف انا اصلي على اللي = عمر جاره وابو بكرٍ قصيره
شعر (ابو فهد) : سطم فهد آلخليل[/poem]
