صندوق الوسائط !

[align=center]‏ (MMS‏)

[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كل ماجتني هواجيس بالي عرض طول=سقتها وفجوج ربي على الضايق وساع

وكل ماثقلت وجارت على الكتف الحمول=ماذكرت امن اصدقائي سوى الحر الشجاع

ياصديق الضيق ما عاد في الدعوى رسول=فك صندوق الوسائط واااصغ الاستماع

هزني بعض المواقف ولا لي فيه حول=وكل دربن تو عيني إيوودي لضياع

جعل عذرك عند ربعك ايواجه بالقبول=لاحداك الوقت وذيابة الوادي جياع

وألا انا قد لي مع الهم والتفكير حول:=عقد والخفاق يدعيه للاحزان داع

يارفيقي كاني اخطيت فإن الكنترول دايمآ يخطي ويترك على النفس انطباع

والجماهير الغفيره ولو سجلت قول=لازم اتحاسبك وتقول قول العام ضاع

هذي اعذاري ولا همني ذوولا وذوول=وانت قدرك في عيوني على راس الرفاع

لكن آشوفك يامشكاي شديت الذلول=كنك اتنووي تبدل بعد ذا القاع قاع

ومدري ايش آقول لكن يابن عمي باقول=لي ذلولن تطوي البيد وتلز الشعاع

لا اطرد المقفي ولا افز لاشفت امهبول=وادمح الزله واوادع الى حان الوداع

واطلق احجاجي وافلله وانا خلف القفول=واتحاشى جرح الاصحاب قدر المستطاع

واتصبر لاضوتني همومي جول جول=واتذكر بعد داري وازيد الشبر بااع

وانت سولف بي وسلم على الظبي الجفول=دام همك كيف تكسب رضا العكش الوساع

وان نشدني عنك ياصاحبي وقتي باقول:=الكريم ابن الكريم،،، الشجاع ابن الشجاع !![/poem][/align]

صح لسانك ياوبران ويعطيك العافية

الله الله

مبدع يا وبران

صح لسانك ودام هتانك

تحياتي

قصائدك أخي وبران لها نكهة متميزه

كالبن اليماني


بارك الله فيك

صح لسانك ولا هنت

قصيدة رائعة من شاعر رائع

أخوي وبران

صح الله لسانك عدد مايرضيك

ولا هانت يمينك ولاهنت

أختك
نــ بنت الفهد ــوف

أخوي وبران اليامي مليون صح لسانك رائعه من شاعر رائع00

أخي

وبران آل كليب

صح لساانك ولاهنت

قصيده جزله بالمعاني

اعزائي
ابوطروق
الاصمعي
ام نواف
ابونايف الوبيري
نوف الفهد
الذئب الاحمر
سيف الدوله
تشرفت بكرم تواجدكم عساني مااعدم هالتواجد
دمتم بعز