بمناسبة زواج عضيب بن سعيد الوهبي

[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
بمناسبة زواج عضيب بن سعيد الوهبي
لأجلك عنينا يافتى الجود يا عضيب=ومثلك فلا والله يجوز اعتذاره
مادام شيب وبالحسب جاذبه شيب=لو بالمراجل كان قلد وزاره
رجل فعاله شامخه كالمحاريب=وعقب رجال كايد الطيب كاره
باسمك وباسم أهل الثنا والمواجيب=حي الحضور اللي لفت من دياره
تورق رياض عقب ماهي مجاديب=حتى الجبين اليوم زاد استناره
من كمب ابن هباس لمعشي الذيب=لوادي الدواسر منتهى كل غاره
دار بها عيال زايد مصاعيب=ياصعب ترويضه وعنت مهاره
تأتي سكارى ولعماره جواليب=يشيب رأس طويق من نار واره
من جور ضرب الشلف هي والمحاديب=بأيمان عزل باللقا كالنماره
اما بها عناز حصن الأطاليب=بالسابغات الضافيات استعاره
عن فعلها أبراي لله ولا أجيب=ياصار أنا (التاريخ) واقف بازاره
هذي بحور عدها الشك والريب=الحص والمهار وايل محاره
وتتم بجهينه سناء نارها هيب=بالحرب مروين النمش مع قصاره
دار بها ربع الحجوري مطاليب=الجار لو هو جـــــــــــار يحمد جواره
من غربي الساحل واشمل بتغريب=وماحدت الحرة لصفحة فقاره
ترحيب أهل مدين على رأسها شعيب =بمقدم كليم الله حزت فراره
ان كان من شمر وألا أجانيب=بشوفهم القلب أشرق نهاره
أول قراكم دلة يتبعه طيب=وقولة هلا يامرحبا يوم داره
بيدين غلمان تعل الشواريب=مثل النجوم النيره في مداره
وصلوا عدد جذب الدلاء بالجواذيب=عليك يالرحمة ومعها البشاره[/poem]

الله يجعله الف مبروك


.....


مبارك الشوباش

صح للسانك ولاهنت ..

الف الف مبروك والله يجعل حياتك كلها سعادة

مبروووووووووووووك

عرس اخونا عضيب


ومنه المال ومنها العيال

وصح لسانك وقلمك المبدع


الى الامام دوماا