من يعرف عن مشخول ابي الميخ

اخواني الاعزاء هناك مثل يقول مشخول ابي الميخ ممكن من يعرف منكم سبب هذه التسميه ان يقص علينا حكايه هذ المثل

بالخير ياطويل العمر

انا والله اتهدد بس ابي اشارك بمضيفك واليوم قلت خلن على ماقالوا اتقهوى من دلالك ويكون لي الشرف بهالمسيار.

ابي الميخ ياطويل العمر هذا عارفه ويقولون انه يشخل السالفه شخل ياما يعرف الحقيقه ويوم من الايام زعل عليه ولده وقال كل يوم وخلق الله عندك والانسان ماهو دايمن يعدل بين الناس والواجب انك تترك هالعمل الوكاد الشايب ماسمع كلام الولد وهو يزعل ولده ويخطر له عرب وراع البيت على ماحكوا ماهو موجود وعنده رتين وحدتن منهن له وغد والثانيه توه معرسن عليه وتعرف الحريم وكرهن للجاره . المهم الصغيره اللي مامعه ولد رايحتن تحطب وام الولد ترضعه وماادرى وش اللي خلى ولد ابا الميخ يراعي الوكاد شاف المره اللي ترضع الوغد تغل له ابره براسه ويوم رجعت الصغيره الحطابه قامت تصيح ام الولد وتتهم الحطابه بذبح وغده. وش نسوي الا ذبحتيه الا ماذبحتيه قالوا نروح يم العارفه ابا الميخ وهو اللي يحل لنا هالمشكله. يوم جوه وقالوا له السالفه التفت يم الصغيره وقال روحي هناك ونطي على اكالقاره وشقي ثيابك كان انت بريئه من دمه
قالت لاوالله قل ليه قالت مستحيه قال زين انت ياام الولد روحي هناك وشق ثيابك قالت ايه انا ولدي مذبوح ومضيومه وشلون ماروح يقولون وهي تشقق ثيابه ويوم شاف عمله اباالميخ قال اللي تسوي هالشي تسوي ادهى منه وهذي هي اللي ذبحت ولده ويوم سمع الحكم ولده قال اي بالله وهذا الشي صار قدام عيني ورضي عقب ماهوزعلان.

والله اعلم وعذرنا من القصور

اخوك فلاح

تسلم....اخوي...فلاح السعد


الف ألف شكر.........

لا..تقاطع...لا تحرمنا مشاركاتك المعطره..بريح الورود...

شكراا لك..

هلا وغلا اخوي فلاح

مشكور اخوي على هذه القصه هذي الساعه المباركه اخوي فلاح وكل يوم تقهووفنجل وقصه على الطائر ويازين لو يكون الفنجل في راس تنوره ونسمعها بصوتك ويحضر الشيخ محارش

ماشاء الله

نورتنا يا فلاح الله ينوّر عليك

اسمع قبل به ولكن توضيحك ما يحتاج

ممتاز


اخوك
المهاجر

اخي طلال

تسلم وحنا حاظرين

الاخ العزيز خلف

والله نتشرف ولو حصل فرصه مايحتاج عزيمه وحنا نعزم عليك لان من الرجال اللي ينمان عليهم

ولك التحيه

اخي المهاجر

هذي الساعه المباركه


وكان صارت هجرتك حول رفحاء لاتحرمنا من المرور

ولك التحيه

اخي القطب الشمالي

الاخ دائما يحب ان يرى اخيك وانا لااحب ان اراك في تلك الصفحات انما احب ان اكون معك في ذلك المجلس العامر دوما وانت من يوقد ناره ولك هي الظروف لاتاتي على الكيف ولكن سيكون هناك ان شاء الله فرصه وساغتنمها ايها العزيز

ولك مني كل التحايا


اخوك فلاح