يومين والثالث ترى الحجز اوكيه =على مصر وديار حسني مبارك

**
**








**








**
**
**
[poem=font="Simplified Arabic,5,white,bold,normal" bkcolor="green" bkimage="" border="double,9,sienna" type=2 line=0 align=center use=ex num="0,black"]
يومين والثالث ترى الحجز اوكيه =على مصر وديار حسني مبارك
شعبٍ ينادي زايره حضرة البيه=في خدمتك فالليل وأول نهارك
ما يعرف الدولار بخشيشه جنيه=دايم يهلي بك ويرفع وقارك
لو تعترض فالخط حطوا كباريه=قالوا هلا يا بيه والدار دارك
مايلحقك منقود وأية مشاريه=شيخٍ ما احد يقدر يخالف قرارك
لوك تفكر فالسما جسر تبنيه=وتحط لك مركز حدود وجمارك
ويصير لك دوله وجيشٍ توديه=يرجع لك الله كاسب ام المعارك
قالوا لك ابشر والطلب لك نلبيه=الشعب في خدمتك وده يشارك
المستحيل اللي عرفته بتلغيه=من واقعك تعلن عليه انتصارك
هذا وفيها النيل يا حلو حاليه=زلال عذب اليا شربته تبارك
فالليل فيه الشعر تضبط قوافيه=كل المعاني النادرة بابتكارك
غير الجمال اللي بعينك تراعيه=خضرة تحدك من يمينك ويسارك
لبيه يا مصر العروبة ولبيه =ياللي مساري ما يخالف مسارك
لولاه ماكتب لك قصيدي واغنيه=ومن عاصمتنا مانجي في مطارك
لكن حبيبي كل صيفٍ يقضيه=واليا وصلها قال انا فانتظارك[/poem]
سعد الحويماني

شكلك أخوي أنت بتخرب على اللي يقول صيفنا مع
أهلنا أحلى....بس ماعليك شوقتنا لأم الدنيا ...
مع أن عمري ما وطت رجلي أرضها ...تقبل تحياتي

وما حب الديار شغفن قلبي
ولكن حب من سكن الديارا

:) :) :)


سر القصيدة في بيتها الأخير

وإلا هم ليه يغلونك كل هالغلا وينادونك بالبيه ؟ :)


بارك الله فيك اخوي


وهلا بك وبقصايدك في مضايفك

والدار دارك :)

شعبٍ ينادي زايره حضرة البيـه
................في خدمتك فالليل وأول نهـارك
ما يعرف الدولار بخشيشه جنيه
...............دايم يهلي بـك ويرفـع وقـارك


يبون خشم الريال مايبوننا :)


صح لسانك ياسعد



لكن حبيبي كل صيـفٍ يقضيـه
...................واليا وصلها قال انـا فانتظـارك


قل هاللون من اول:)



لاهنت وصح كلك