والله مايذبحك ياكود حاجه

أبيات جميلة لا أعرف قائلها


[poem=font="Simplified Arabic,6,white,bold,normal" bkcolor="black" bkimage="" border="ridge,6,red" type=1 line=0 align=center use=sp num="0,black"]
دار الهواء فوق الشجر بندراجه= واناهجوسي تتبعه كل ماراج
القلب نسمات العليل ابتهاجه= والفكر خلته الدواكيك مسهاج
فجٍ خلا لاضاق صدرك علاجه = يغنيك عن بعض المجالس والازعاج
سحابة البارح قفتها عجاجه= يلعبها صلف الهواء مثل الامواج
هبت هبوب مدورين اللجاجه= يفرح بزلة صاحبه كل هراج
من غير سبه عاقدٍٍ لك حجاجه= لاون ماله مع هل الطيب مدراج
اثر العوج دايم يحب العواجه= لو ينعدل يرجع لساسه وينعاج
مايستوي طعم القراح وهماجه= ولا يستوي نقع الصفا مثل هداج
الله ولا منة محسب خراجه= شين اللغا ومن البطر لابسٍٍ تاج
والله مايذبحك ياكود حاجه = لاصار في وجهك حيا وانت محتاج
بالعسر يسر وللهموم انفراجه= يجيلها من والي العرش مخراج
ارفع يدينك للسما ثم ناجه= يظهرك لودونك شرابيك واسياج[/poem]

اخي القصيدة لشاعر رشيدي اذا تبي اسمه احاول اجيبه انشاء الله

ابيات اعجبتني


داج الضلام انزاح والنورله ضوح

ونور الصباح مضيح والليل زايح

مالي هوى بمراح والقلب ملدوح

فكري من التلميح غاد شلايح

كني على لفاح غصن بلحلوح

قاعه حزوم وشيح وارضه كلايح

هلا اخوي جعفر وتسلم على هالقصيد

لكن انا سمعت انها لشاعر غثيث النجيفان

صح السانك والسان من قالها

فتى الرابيه

مشكووووور على المروووووووور

ثــــــــامر

يعطيك العافية يالبناخي

الرطاب يشرفني مرورك يالعزوه

والله مايذبحك ياكود حاجه
لاصار في وجهك حيا وانت محتاج
بالعسر يسر وللهموم انفراجه
يجيلها من والي العرش مخراج
ارفع يدينك للسما ثم ناجه
يظهرك لودونك شرابيك واسياج




أبيات من ذهب...غفر الله لقائلها ولناقلها....

الاخ جعفري

اختيار موفق وصح لسان القايل وسلم بنانك


تحيتي واحترامي