المصافحة الأولى لمضايف شمر
يا صـاحب المصلحة مالي بكم حاجـــــه
تقطع تواصل أنا مــــا عــاد يعـنـيـنــــي
مــا دام طـبـع الوفـــاء مـتـربع بتاجـــــه
خوة هل الطيــب عن شرواك تغنينـــــي
ومــا دام مـا تصاحب ألا ناس تحتاجــــه
ويا صار مالك معـي حاجه تجافـيـنــــي
خلك بدربك تصــــارع عاتي أمواجــــه
نفسك ضـعـيـفة ويغلب فكرك الشيني
وصـــاحبك يامن زعل منك رح وناجــــه
أما رضي عنـــــك وألا أنت له تلينــــي
وإن كـان ما جاه شــي ٍ سبب إحراجــــه
مسكين وده يـخـــــرب صحبة سنينــــي
وأما أنت يا صـاحبي يا عاقد حجاجـــــه
يالـلـــــــي تــزعّل ولا ودك تحاكينــــي
عقلك مـريــضٍ ورح دور له علاجـــــه
يمــكــن تــلاقي مــــع العالم مداوينــــي
ياصار ما تعرف دربك وين مخراجــــه
وتزعل وكن الطـــــلايب بينك وبينــــي
أقول رح جـــعل دربك يطفي سراجــــه
مليت مـــن صحبتك لا عــاد ترجينــــي
دامك تبي هــــــرج دور ناس هراجــــه
أمــــــا أنــا مـــا أبي منـــك تصافينــــي
ولا أقول أنا غيـــر ربي تأتي أفراجــــه
وكلٍ يحصل على مــا قـــال لـه دينــــي
يا صاحب المصلـحة مالي بكم حاجـــــه
تقطع تواصل أنــا مــا عــدت تعنينـــــي
اتمنى أن تنال رضاكم
