القثامي العتيبي ينخى ابن رشيد
بسم الله الرحمن الرحيم
سبق ان طلب مني احد الاخوه هنا ان اكتب القصيده اللي منها بيت الشعر اللي يقول:
(( ابن رشيد اللي وطتنا زكاياه )) ووعدته بذلك حين اجد الوقت الكافي وهاهي امامكم0000
وهي لمخلد القثامي العتيبي الذي قدم الى محمد العبدالله الرشيد ينخاه على عشقته اللي عارضوا بها
اهلها ويطلب الوقوف معه والعون منه فلما دخل مجلس ابن رشيد قال القصيده يمدحه فيها:
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
حنا عتيبة كم حريب لطمناه=ودقلاتنا مثل الخيال الرزيني
غربينا في الحجز تلطم قرياه=وشرقينا يم الحسا مردفيني
جنوبنا وادي الدواسر رعيناه=وشمالنا يـم المدينة يمـيني
ترى نجد المســـما ملكنـاه=وخابت حضوض ملوكه الأوليني
والحرب جاء في اربع سنين مسماه=لين أودعوا سبع القبايــل طنيني
منها نهار جاء على الضال اقصاه=منها الهضاب العلط عيت تبينـي
ويوما على الجال العويند فعلناه=على الدويش مشيب المرضعيني
كم راس شيخ عن متونه نقلناه=واصبح تهرجبه كلاب القطيني
تبرهجي في عشبتة وأشربي ماه=تبرهجي يا مقــرعات الحنيني
والله يلو لا اللي وطتـنا زكاياه=ما ناخذ القصره من الحاربيني
شيخٍ تجيله سبق الخيل مهداه=ابن رشيد مــروع الغافليني
يجر سيراته وذروات تبــراه=من كثرهم يا ارحم الراحميني[/poem]
وبعد القصيده التي ارتاح لها الامير محمد العبدالله الرشيد قال قصيدته اللي تخص عشقته مادحا وذاكرا
شدة الغرام والوجد وطالبا العون منه فقال مخلد :
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
يقول مخلد بادى الحيد الأسمر=في مرقب قدم الضعائن منيفي
يا الله واني في رجاك أتصبر=صبر الديار المسنية للخريفي
تعزا لعين دمعها حار وأمطر=لينه تهشم حجرها بالذريفي
والله لولا العظم يــوم أتعمر=ليا كوّيت العظم عيدي وريفي
ابرد بها عبــراتي اللى تكسر=لا شب في قلبي سواة الصريفي
ولولاك ياطعــم الدلال المنحر=لا ولف القيفان واهرف هريفي
هريف سرحان بعد ليل اقشر=هايف ومطرود وتلف معيفي
على الذي يجر قلبي إليا مــر=جر الرشا من فوق طية عفيف
عليك ياللى حبته كنه الــــدر=در الصعوب ان سلهمت للعطيفي
در الصعوب مكســر فيه سكر=ومبرى في عـــارضي رهيفي
لا روحت من وادي نبتــه أخضر=بين الحـــرار وغادي له لفيفي
عز الله انه بالهـــوى جرني جر=جر الرشا فوق المقــام المهيفي
عز الله انه بالهـــوى كرني كر=كر الضـــوامي للقليب الغريفي
من لامني لعــــل يمناه تكسر=يطيح في دقلة خــويا الشريفي
يالايمي عســــاك للحر واكثر=زند المحلج وبــواردي ظريفي
في درجة تحذف بخفاف وعشر=ياخذ سنة غمق صوابه مصيفي
ويالايمي طاولك في عمرك الشر=وتأخذ سنة بين القرايا تضيفي
ويالايمي طـرحوا عيالك مجدر=ومن بعدهم تقعد ضعيف كفيفي
ويالايمي صادوك صبيان شمر=وجونا بعلمك سابقين النكيفي
يازين خلي وان مشى بالمشجر=وثويب السبهان خياطه نظيفي
يامل لقـلب يجـذبه كلما مر=وليا دله بالعين وازنف زنيفي
زنيف دراج السواني اذا صر=علي ثلاث يجذبنه صفيفي
كنه هديب الشـام يوم يتندجر=قدامه المدفع ويـرزف رزيفي
وعقيل يتلونه على اكوار ضمر=ومشطرين ايمانهم بالـرهيفي
وإلا مشى له ساعة ثم هو كر=يسعون خدامه لحكم الشريفي
يا ليت خـــلي يوم قفا تعذر=ما اقفا على السفهان كنه معيفي
من يمكــم يا الطـيبين اتعذر=تدرون راع الحـب قلبه رهيفي
دلا يزايـدني بشــــقر تنشر=ومحاجر للمـــوت فيها رفيفي
ولي عشـير جرني بالهوى جر=ويجرني جرت مـزون الخريفي
وفي عينه اليمنى سيوف تسطر=وفي عينه اليسرى عساكر شريفي
أشكى على حماسة البن الأشقر=أهل النجور اللى ترازف رزيفي
واشكي على لباسة الجوخ الأحمر=من فوق قب ينقلن الرديفي
واشكى على اللى يم حائل تومر=تكفا ياخو نوره زبون المخيفي
وان كان اخو نوره لشكواى ما سر=ولا انقطع حبل الرجا من وليفي
اللي حما في نجد بالسيف الابتر=وما طرت البصرة لحد القطيفي[/poem]
والحقيقه ليس لي علم باللي فعل الامير ابن رشيد بعدها وان كان من المؤكد انه لن يسكت بعد هذه
النخوا شأنه شان جميع اهل المراجل والطيب سواء من شمر او غيرها من القبائل المتعدده والطيبه000
اخوكم الراوي ابن غسلان00
