....( ذيــــــب ) .....

[poem=font="Simplified Arabic,6,white,bold,italic" bkcolor="transparent" bkimage="" border="none,4,black" type=2 line=0 align=center use=ex num="0,black"]
مدحنا ناس تستاهل وجربنـا الحيـاه الـوان=ومدحنا ناس ماتسوى قصايـد نـاس تعبانـه
وانا متجاهلٍ طيبك علـي بالسـر والاعـلان=وانا لـولاك بالاعـراب ماحصّـل ولا خانـه
انا مجبور مادام المراجـل شالهـا الطوفـان=اقول اني بدونـك موقعـي مجهـول عنوانـه
انا متعّود اخذ منـك لامنـي مدحـت انسـان=عسى اللي ماقدر يمدح جنابك يقطـع لسانـه
يزودّني شرف مدحٍ يجي في فارس الفرسـان=اخوي اللي شمخ بنيان عـزي فـوق بنيانـه
اخوي اللي بطارف منكبه يفتح لـي البيبـان=اذا شاف الزمن قدام وحهـي صحـك بيبانـه
اخوي اللي ليا دورّت ماحصلـت لـي ديـوان=اجي له كـل حـزه واجـده مفتـوح ديوانـه
اخوي اللي جعل وضحى لغه بلسان ابن عدوان=جعلها رمز مشهـور مثـل خولـه وسفانـه
جعل لي بالغضب حكمه منحني بالرضا ميدان=مسجل بأسمـي الميـدان والميـدان ميدانـه
عطاني من شريفين المبـادي بيعةالرضـوان=علومـي فـي نظرهـم كلهـا دره ومرجانـه
معي دايم يحدثّني ليـا مـن غابـت الخـلان=ولا افضل من حديثه غير ذكـر الله سبحانـه
خليـلٍ مايبـور ولا نخيتـه كسـر القضبـان=ولا من طحت يحملني علىصـدره وذرعانـه
خيار الناس له بقلوبهم قـدرٍ كبيـر الشـان=اخوي المعجزه معـروف تقديـره وسلطانـه
ليا منه غضب يخشى غضبه الشيخ والسلطان=سلاطين الدول تحرص على كسبه ورضوانـه
يسافر ماتقيّـد فـي نظـام المـدن والبلـدان=ولا يمكن تحـاول تمنعـه شرطـه وهجانـه
اخوي اللي على دربه تسير وتتعب الاخـوان=خوي اللي تقدرني جميع النـاس مـن شانـه
تبون اسمه نعلمكم وكل انسـان لـه ميـزان=بتكوين القناعه كـل عقـل انسـان ميزانـه
(اخوي الشعر)محمود السجايا وهبةالرحمـان=ولا ينلام مـن يعتـز بالطيّـب مـن اخوانـه
[/poem]








للشاعر / ذيب الشــــمري

ريالووووه



تسلم يالذيب


وصح لسان ذيب

هلا والله بابوغازي

ولاهنت عالمرور



تسلم

يادكتور :goooood:

ابو وليد غني عن التعريف وتسلم يا ريال على نقل القصيده

تسلم يمينك يااخوي
وصح الله لسان الشاعر
الله يعطيك العافيه
تحياتي

ثامر

لاهنت يابعدي على المرور

تواصيف الله لايهينك
على المرور


شكرا