كون العرفاء

بقيادة الذويبي ومعه بن نحيت وابن مضيان من أكبر أمراء قبيلة حرب غزوا الجحيش والجحيش من عشائر شمر المشهورة وتعد قبيلة لوحدها لكثرة اعدادهم وشجاعتهم التي تضاف الى شجاعة بقية أبناء عمهم الأسلم وشجاعة شمرعامة 0
والغزوة جاءت بعد نزوح الشيخ صديان بن عيادة للجزيرة وكان كبير الجحيش ( مقرن الجنفاوي ) الفارس المشهور في ذلك الوقت ودعا جميع الجحيش لملاقات الذويبي ومن معه بعد ماورده علم أن حرب سوف تغزي الجحيش وتأخذ حلالهم وقد وصله العلم بواسطه السوادي من الغرير من الأسلم وكان جارا عند حرب وبعد اجتماع الجحيش عند مقرن طلبوا منه الخطه التي يمشون عليها فقال لهم أنتم أسرحوا إبلكم يم الأمان وأنا سوف أسرح أبلي للخوف من جهه فطنه القوم وبعد شروع القوم بالأبل ومقرن أخذ يأمر الجحيش بالتمهل حتى يشبع القوم بالأختيار من الأبل حتى يتسنى لهم الهجوم على الكمين ومن ثم يعودون على البقيه وفعلا تم ذلك وأخذوا خمس وثلاثين فرس وجدعوا عنهم أصحابهن وسلمت الأبل وكان من ضمن القتلى بن نحيت وأسر ضيف الله الذويبي 0
حيث قال الشاعر الفارس: حمود بن زراق العرادي في مناسبة هذة المعركة :


نطيت راس النايفه من المنيفاه

،،،،،،،،،،،،،،،،،،،،،،، عيطه تومّيبي هبوب الرياحي

وطالعة انا كل الديار المخيفاه

،،،،،،،،،،،،،،،،،،،،،، قفرٍ من الشعبه ال حد الضواحي

وين البيوت اللي بجاله مبناه

،،،،،،،،،،،،،،،،،،،،، وين الرجال اللي ال ضده تناحي

حنا اليا صار القوامه نزلناه

،،،،،،،،،،،،،،،،،،،، يا كنهبوا عنها ابعاد النواحي

يوم النذر جانا بداةٍ نطحناه

،،،،،،،،،،،،،،،،،،،، لا ذل عن ربعه ردي المشاحي

كان الذويبي نوانا بعدواه

،،،،،،،،،،،،،،،،،،، ما نتقي ننزل لهم بالبياحي

الشيخ ضيف الله بقى الرشد واخطاه

،،،،،،،،،،،،،،،،،، من قرد حظه يوم جانا صباحي

جانا الذويبي غازيٍ مار اخذناه

،،،،،،،،،،،،،،،، ساعة تواجهنا غدوبه اطفاحي

غدولهم بالكون مثل القعيساه

،،،،،،،،،،،،،، ربعي هل الشعبه طيور الفلاحي

جبنا القلايع والمعادي دقمناه

،،،،،،،،،،،،،، اصايلٍ مثل النعام المداحي

خمس وثلاثينٍ خيلٍ مسمّاه

،،،،،،،،،،،، عند البعيّر مثل خز الطياحي

وضيف الله اللي تنثر السمن يمناه

،،،،،،،،،،،، جانا منيعٍ عند صبيٍ اشناحي

دزه فهد عن سابقه لا عدمناه

،،،،،،،،،،،، وجابه يقوده غصب ماهو سماحي

واربوعه اللي كلهم من دناياه

،،،،،،،،،،،، راحت شرايدهم تزج الصياحي

ما شفت صيحة مقرنٍ بالمثاراه

،،،،،،،،،،،،، مع مشلحٍ خيّال شقحٍ ضياحي

هذا المراح اللي به الخيل جبناه

،،،،،،،،،،،،،،، وهذا الشعيب اللي به الشيخ طاحي

ابن نحيتٍ بالمعاره جدعناه

،،،،،،،،،،،،،،من كف قرمٍ باتعٍ بالسلاحي

سجّه علي بمكعّب العود ما اخطاه

،،،،،،،،،،،،، خلّي ودمه من ثناديه ساحي

يا ذيب ياللي عاديٍ تاهة ارياه

،،،،،،،،،،،،، حنا مطوّعة العدو بالرماحي

واليا ركبنا فوق قبٍ عريباه

،،،،،،،،،،، نعوض باللي من ورى الشط راحي


الفرسان اللي اساميهم بالقصيده

الفارس مقرن الجنفاوي

الملقب ( مشلح ) هو الفارس شملان الخزيّم من الزبلان

الفارس فهد مقرن الجنفاوي

الفارس علي العرادي الوريكي

ونعم والله بالجنفاااااء .. ماهي غريبه على اهل الجوار واخوان ميثاء .. مشكور اخوي اخو نورير .. يعطيك العافيه

مشكوور اخوي انوير على ها الموضوع الحلو

اخونوير1 00000


موضوع جميل ومفيد وروايه جزله وشامله تسلم يمناك يالعزوه ونرغب بالمزيد من حقيبتك التراثيه00


تحياتي العطره الراوي00

ونعم والنعم بعد ما يكفي

عوايدهم وبعد اردى عوايدهم

الاسلم عموم والا الجحيش (بعيّر) والجنافا أهل المجور (هل الجوار)

تاريخ يشرف كل شمري

لا خلا ولا عدم منكم جميع

ونعم والله بالجنفاااااء .. ماهي غريبه على اهل الجوار واخوان ميثاء .. مشكور اخوي اخو نورير ..
تسلم اخي الفاضل ويعطيك العافيه وبارك الله فيك



وهالموضوع راح يضاف من ضمن المواضيع المميزه من ضمن حروب قبيله شمر

شكرا لك اخو نوير

مشكورين على المرور وبيض الله وجوهكم

اما القصه والقصيده هذي للجحيش عموما والجنفا من ضمنهم كما اشكركم مره ثانيه على المرور اللذي اثلج صدري