بسم الله الرحمن الرحيم
وضحى بنت عواد المصبح الجنفاوي من الاسلم من شمر كانت شاعره عاقله طيبه وتغلي الطيبين مثل
اكثر البنات اللي بوقتها واللي ماكان مقياس الرجل عندهن جمال خدوده وانما رجولته وشخصيته000
وكان خالها واسمه مزيد بن مشعان الجنفاوي (على مااعتقد ) رجلا كريما ومجمع رجال وشباب نار وتوفي
رحمه الله حول جبل (( سنام )) بالحدود الشماليه000
وكان لهم جار وزوجته تاطى على غاربه تخليه يطحن بالرحى بدالها (( لاتلومونه يارجال يبي الستر ))
وذات يوم مرت من عنده وضحى وسمعته يقول راسي مصدع لاني ماتقهويت فقالت له :
[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
انحت رحاك وخل عنك القهاوي=شبابها بأيسر سنامن دفناه
اللي لدقت نجرها مايراوي=من حيث ضامين الشواريب تنصاه
اللي ليا جو مضرمين ومقاوي=يلقونها قبل يجونه مسواه
ماهو على كيف النشاما غلاوي=يشريه لو هو بالثمن زاد مشراه
ياما تمنى شوفته من خلاوي=يحيي بهتاش الخلا حين ماجاه
مرحوم ياللي بالمراجل شفاوي=شباب نار وللمسايير مشهاه
عساه بالجنه عشير الفداوي=عرضه وطوله كل ما حل طرياه[/poem]
يوم سمعها الرجل وهو ينكس يقوم للرحى يديره دوار ماهو سهل 0 جاه نشاط مايوصف من القهر يوم
رزلته طيرة شلوا راعية اللحيسه00 الله يرحمهم جميع ويبقي لنا الباقين ويسلمهم اهل اللحيسه تاريخهم
كله نوماس لنا بفعولهم الطيبه000 تحياتي00
