من يد متعافي ليا متعافي

[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=1 line=0 align=center use=ex num="0,black"]
لف شيطان الشعر بالراس مية لفه=مع شياطينٍ تهيضني لحبكة قافي

دوخوني من ضفاف القلب لاقصى ضفه=بالسرا من يد متعافي ليا متعافي

بالمضايف سجلوني مسيرٍ وش شفه=غير طرق البيت والبيتين منه كافي

لو يبون يسجلوني اطرشٍ بالزفه=ماعلى الرجال هاجس دام قلبه صافي

وياقصيدي كان شب القلب تكفى طفه=الوعد قدام مادام الرخوم خلافي

القمر لامن ظهر كل العرب في صفه=ياحليل الجدي نوره بالمجره طافي

والرجال رجال ماهم محمرين الشفه=مابقى الا يلبسون الخصر بالاردافي

والهنوف اللي تمشى ياعساها العفه=الهنوف اللي قديمٍ تسكن الاريافي

قانعٍ باللي اقوله والفطين يلفه=حذفتينٍ للغشيم يردها الحذافي

ولا انا مااصافح اللي مايقدم كفه=اتركه لو اني امشي بالخرايم حافي

والمثل يقول بد العلم ولا خفه=ولا تمد الرجل بفراشك وقد اللحافي

بس انا عشت الحياة ولاني بمترفه=فيني قيادة اسامه وجرؤة القذافي

والحيايا السود ياطاها الجمل في خفه=لاتقرب من شهابي وتاقف بميقافي

ومن بنى بيتٍ مروبع ينثبر بالرفــــــه=مايفيده بالخلا لامن لفاه السافي

كم قصيدٍ صاحبه ابرك له انه يكفه=قبل لا ياصله منقودٍ من العرافي

ومانويت اضحك ياغير بعالمٍ مختفه=يحسبون الشعر لاقالوه جزل ووافي

العدد واجد وبكرا يرجحون الكفه=وكلٍ يسمي خويه بندرٍ ونصافي

دوخوني بشعرهم لو اني ابي ادفه=البلا من يد متعافي ليا متعافي[/poem]

[align=center]اخي الرائع


صح لسانك


ابيات جميله

جزله ومعبره



ولا انا مااصافح اللي مايقدم كفه.....اتركه لو اني امشي بالخرايم حافي

لو استبدلتها ب"حالف" اعتقد اجمل وماشيه مع اللحن

حالف مااصافح اللي مايقدم كفه.....اتركه لو اني امشي بالخرايم حافي[/align]

صح لسانك .. ولاهنت

صح لسانك أخوي ابيات رائعه وجزله

قراتها أكثر من مره ابدعت يالغالي

بالمضايف سجلوني مسيرٍ وش شفه

غير طرق البيت والبيتين منه كافي

شرحك سرا


أخـــــــــوك

[align=center]كم قصيدٍ صاحبه ابرك لـه انـه يكفـه
قبل لا ياصلـه منقـودٍ مـن العرافـي


اختي


ذات دل بختري


صح لسانك


وسلم بنانك


قصيده تستحق الوقوف

عندها

أشكرك على هذا النبض المختلف[/align]

صح لسانك

قصيدة رائعه

لا هنت

[align=center]اشكر الاخوه الذين مرو على الموضوع

وبالنسبه لملاحظة عبدالله الجعيثن فهي في محله

وفالح الناهي لو انك قلت يااخي لاني رجل ولست بأمرأه[/align]