شمر اهل الطوله

--------------------------------------------------------------------------------



[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

لي لابتن وسط العرب ترفع الـراس=وعقولهـم ماكـل عقلـن يقيسـه
بايمانهم حازوا على كـل نومـاس=ومداتهـم تسعـد قلوبـن تعيسـه
شمر هل المـدات لاهـب نسنـاس=وعدوانهم بالغيظ يكثـر ضريسـه
منهم معشي بالدجى ذيب الاطعـاس=ذيبن حـداه الكبـر دون الفريسـه
نادى مكازي خايفن قطع الارمـاس=وقلط خروفه لـه بنفسـن ونيسـه
وان كان ضيفان االدهر ذاقوا الباس=وشافوا جفاء وجه العفون الخسيسه
ربعي علاج اللي شكى كل هوجـاس=منهم عريب الساس راع اللحيسـه
وشالوا كسيرن باللواهيب منحـاس=نصف الشهر والقاع قاعن نحيسـه
شاله رجالن ماوطت درب الادنـاس=لابـاق ممهـون الكرامـه جليسـه
مع نقوة الشلقان والساق مقـواس=في لاهبن ينجض جنوبـك وطيسـه
شالوه شلقان المراجل على الـراس=والزاد زين الـزاد تالـي حميسـه
يفرح بنا الطرقي وخطار الادمـاس=عن واحدن يخفي عن الضيف كيسه
للنـار شبابـن وللبـن حـمـاس=ما فرقوا مابيـن سبـت وخميسـه
والصبح لاركبوا على قب الافـراس=كم شيخ قومن تحت خيلـه وديسـه
عدواننا تطوي حباله على اليـاس=والجار يشـدا بالوناسـه عريسـه
ناخذ بمربـاع المعاديـن مـرواس=وديارنا بالغصـب محـدن يجيسـه
لاجاضع المنزوع مدقوق الالعـاس=وتلقى ردي الخـال يكثـر نسيسـه
شيباننـا مابيـن دلـه ومحمـاس=وتفاقنـا كلـن قضـب منتريسـه
وفرساننا يشدون عنتـر وجسـاس=لـو زاد بايـام العقـارب قريسـه
ناسن بجمر الغصب ماطاعت الناس=وبالطيب تجدع لك نـوادر غريسـه
طيبن خذوه وريق الاجـواد يبـاس=ماهي سواليف الرخـى واتهليسـه
شالوا زهور الطيب من كل الاجناس=مثل الجبال البيض ماهـي دسيسـه
ماهي دواوينن على بيض الاطراس=للي مضى عمره يخضخض مريسه
تلبس بضيفات العرب زين الالباس=وان جت وقوت العزم صارت فطيسه [/poem]

فواز الغسلان

ونعم والله بكم يالسناعيس

وصح لسانك

كفيت ووفيت

وكفو

الراااااوي فواز الغسلان

صح لسااااااااااااانك


ولاهنت

ماادري وش اقول..!!


صح الله لسانك ملايين



ولاحرمنا الله منك يابوفهد

[color=#FFFF00]كفو والله ياذيبان .......... قصيدة تسجل بحروف من ذهب وتحفظ للتاريخ :)[/

كفو والله يابو فهد .......... قصيدة تسجل بحروف من ذهب وتحفظ للتاريخ

بارك الله فيك وجزاك الله خير

الاخ العزيز الشاعر حسين الهوران000


ماعليك زود الله لايهينك يالغالي وتقبل تحياتي 000



(((الراوي)))

اخوي مانع السرحاني000


اشكرك يالذيب على تشجيعك الدائم ياحزام ظهري000



الله لايهينك ومشكووور (((الراوي)))

اخوي ريال فسحه هلا بهالطله يالعزوه000


وشلون وش تقول؟ وشو اللي وشو ؟؟ ياملا الوشاشه اللي تخطيك وماتجيك00



مشكووووور وتحياتي (((الراوي)))

الاخ العزيز الفزاع 000


شكرا لحروفك الجميله وماعليك زود يالعزوه تحياتي000


(((الراوي)))