تقفا ياراعي الوقيد .. ولايهونون الاخوان الباقين
بســم الله الرحمن الرحيـــــــم
أثناء تواجدي البارحة في أحد المجالس .. وكالعادة بتخصيصنا يوم الأثنين من كل إسبوع يكون للقصص والقصيد والأدب بأنواعه ، عاد واحد من الربع جاب معه هالقصيدة ، بس للأسف ماندري من هو القايل ،، ولا اللي جابه يدري منهي له.
تقفون ياشعراءنا الأفاضل اللي عنده علم يمكنا به...........
فكـــرت بالدنيـا وبرقـت بالحـــــال وقلــبتها مـابين عــدل ومــايل
جلـست أفـكـر واتفــكر بالاحــــوال أجمــع وافرق دقـها والجـلايل
في ســاعة مـافيه من حــــولي ازوال إلا أنـا والنار تشــعل شـعــايل
مركي على جـال الجمر خمسة ادلال يقــدح سـناهــا مثل برق المخايل
واخذت لي منهن على الكيف فنجال يجـلي هـمـوم وســط فكـري تشايل
في صحصح مافيه حاســـد وعــــذال أهل القـلوب المبغـضـات الغــلايل
في صحصح يطـرد عـــلى بيده اللال قـفــر خـلا مافيه غـير الهمايل
أخذت اراجع ماعــرفته مـــن امثال مـاضي العـلــوم مـوثقـات الدلايل
لقيت في دنياي مايزعـــــــــج البال مما يريب النفـس شــفـت الهـوايل
سندت ابرقا نايف الرجـــم والجـال وزلـت قـدم رجـلي بجـرف وتهـايل
وطـيتها شعـبان وحـزوم وجـــــبال وسـريتها مســرى وصـبح وقوايل
خاويت انا ارجال من ناس ورجـال وماللـرخم مـاكر على راس طـايل
شفت الحصاني تعتلي روس الاقذال والذيب يمشــي يتـقي بالمســايل
والبوم له ماكــر عــلى راس ماطـال والحـر ينزل بين قشـع وخمايل
صارت على الأجــواد هم وغـــربال فيها تســاوت بالفـضـيلـه رذايل
ضـاعـت مفاهيم عريضات وطـــوال فيها إختلف درب السنع والوسـايل
دنيا غـريبة ماعـرفنا له اشـــــكال منها لبيب العقل شــاف العلايل
دنيا تقــلب بين الأقـفــاي واقـبال ضاعت بها الحســبة بكـل المسـايل
كلــن غدا للحـق ناقــض وفتال من يوم صـارت هرج قيل وقايل
حتى الكـرم شـبه مع الناس بخبال والحـق عند الناس عـدله تمـايل
منها نشف حالي غدا كنه اخــلال هـذي عظـامي تحت ثوبي نحــايل
ماكـل من يلـبس له اعقــال رجــال ولاكل عسـاف يعسـف الاصـايل
المرجــله ماهـي ســواليف دجـال المرجــله جــزم وعــزم وفعــايل
والشـور مايوخذ من عقـول جهــال والحـق مايقــبل عـليه البدايــل
أصد وجهي عن بعض شوف الانذال واقبل على راع الوفا والجمـايل
ماعـاد لي رغبة ولاعندي آمــال ولاني من اللي للـردى هد عايل
لي رغبة وحدة سجود بالاصـال أخط لي مســجد واصـلي نفايل
ارااااااخو العيااااااااااال !!!
[align=center]المعذرة ياصلفيدز توي انتبه لموضوعك السؤال:ezpi_blus
والمعذرة مرة اخرى لأن ماعندي جواب:a:
مار اغدي اببو فهد يتحفنا بالمرور والإيضاح:thumb:
لك التحيـــــــــــــة اخي
والسلاااااااااام ...[/align]
