ليبيا يا منايــــا....بقلم أم أحمــد
[align=center][frame="9 80"]
ليبيا يا منايــــا
ليبيا يا منايا يا بدر يضوي في ليلنا وهنايــا...
يا نبض قلبي يا غلاي وحبي يا بلسم روحي يا عسل شفايا...
ليبيا يا حنونــة يا لمت الأهل أختنا مع خونــا..
يا بيت السعد والهنـــاء يا محبة بونــا..
يا وطن الحب والخير يا صفــاء سمايا...
ليبيا يا منايا يا بدر يضوي في ليلنا وهنايا...
مبهى ناسك ومبهى ليالي الفرح وطرب عراسك...
إنت غالية للروح والذل ما ينداسك والحب عندي ليك واصل حدود الغاية...
ليبيا يا منايا يا بدر يضوي في ليلنا وهنايا...
ليبيا يا عيوني.. يا راحة بالي يا فرحنا وشجوني..
يا فجر يومي يا شفق غروبي يا سحاب مطري يا شمسنا و دفايا...
ليك انحنــوا وما نرتاحوا في نومنــا ولا نتهنوا...
لين نرجعولك ومع أهلنا نلتموا...
في يوم جمعة وعيد يا طربنا وزهايا...
ليبيا يا منايا يا بدر يضوي في ليلنا وهنايا...
إنتِ تأجي إنتِ وطن القلب وفرحت ناسي...
مهما بعدنا عليك ما تتناسي ...
إنت الأم والأصل ومسقط رأسي...
جمالك آية بحر وجبال وصحراء كالمرآية....
في شمة هواك العطر يبرى داية...
لا مرض يطول ولا تزورني الغماية...
ليبيا يا منايا يا بدر يضوي في ليلنا وهنايا...
أحتلك ظالم لا أصل عنده لا دين لا يتسالم....
سجان قليل الحياء خوان ما يتراحم...
طاغي قتال الروح فشاي الجهل والداء وكل مظالم...
لا تخافي ولا تملي لو طال الوقت مصيرك في الزمان تتعلي ...
رجالك وبناتك يحموك وما تنذلي...
يردوا عزك ومجد تاريخك يا أرض الخير وقمرنا الضوايا...
ليبيا يا منايا يا بدر يضوي في ليلنا وهنايا...
نطردوا خوانك وكل من عبث براحتك وأمانك....
ونعلوا شأنك بين الأوطان يتلألأ جمالك...
قمر بين النجوم وما يقل مكانك...
وكل ما ريتي يظل لك خراف وحكايا ...
ليبيا يا منايا يا بدر يضوي في ليلنا وهنايا...
لا ما تهوني انت غالية للروح وضئ عيوني...
أسمك حفرته في خاطري ومكنوني....
والشاهد ربي علي كريم العطايا...
ليبيا يا منايا يا بدر يضوي في ليلنا وهنايا...
roooose
[/frame][/align]
