( أخــــــ .../ أنا ماني يتيم ..!! )
.
.
وللـــــ موقف .. صوت ..
/
\
ماني يتيم !! أبوي راح وترك لي ..
.........................خمسة رجال .. وكلــهم قلب رجّال ..!
إن قلت : آخ / أخوي قام وبرك لي ..
........................ و إن قال : آخ / أشيل حمله اليا مال ..
شكلي حلو .. و ماهمّني كيف شكلي ..
....................... اللي مهم .. ( أقوالنا .. تأتي أفعال )
عادي إذا من خلفي يتمْ ركلي ..
...................... بأظل [ الأول ] .. غصب عنهم .. ولا ازال ..
.
.
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
الضيف ضيف الله وحنّا هل الطيب=و اكرام ضيف الله لزوم علينا..
عادتنا بالطيب نطح المواجيب..= نمد دام الجود عادة يدينا..
ما دام (ابو بشرى) ينط المراقيب.. =و ( ابو عمر) دايم عيونه علينا..
نبي نكثر من هلا و التراحيب..=و نبي نونّس كل ضيف يجينا..
إن صار من ناس بعاد و اجانيب..= معزته تلحق غلا والدينا..
و كانه من الاقراب حق الاقاريب..=البيت بيته يا (فهد) كل حينا..
هاذي دروب ٍ يا (فهد ) تركها عيب..=وحنا على درب المراجل مشينا..
الضيف لو يخطي نقول انه مصيب..=نضحك و لا نترك خطاته تبينا..
ماقال( ابن خربوش ) ماعنه تجنيب..=و هاذي طبوع اجدادنا الأولينا..
الضيف نضحك له ولا نبدي الريب..=من خوف لا يقول المعزب تطينا..
له مشرب يصفي وغير المشاريب..=نعطيه كل اللي يبي لو حدينا..
هاذي طبايع عاكفين الأشانيب..=مراجل تصعب على العاجزينا..
حتى البنات المترفات الرعابيب..=تخاشرن بالطيب والطيبينا..
مامن عذر واللي كسا ( لحيته ) شيب..=عنده علوم اللي مضوا من سنينا..[/poem]
.
.
.
ارق التحايا لمن سيمر من هنا roooose
