السلام عليكم ورحمة الله وبركاته
فقد أشتهرت عائلة التباناء من الشريهه من عبدة من شمر بالشعر وأنجبت للمنطقة شعراء أفذاذ حفظ لنا التاريخ
أشعارهم وحفظت أشعارهم الكثير من تاريخ شمر ومنطقة حائل بشكل عام أبتداء من مبيريك التبيناوي ومرورا
بحسن التبيناوي والأن يوجد منهم عددا لابأس به مثل مطني طنا التبيناوي الذي تكلمت عنه سابقا وأوردت له
قصيدة رائعة من نوادره وكذلك يوجد منهم مبارك طنا التبيناوي وهو الذي سنورد المساجلة التي دارت بيني وبينه
علما ان بيننا أكثر من ثلاثين مساجلة شعرية سنتطرق ببعضها لاحقا وهو شاعر قوي جدا جميل السبك والقافيه
وسندع الحكم لكم بعد قراءة قصيدته :
قال فواز الغسلان ( الراوي ) :
[poem=font="Simplified Arabic,5,white,bold,normal" bkcolor="transparent" bkimage="" border="none,medium,black" type=4 line=0 align=center use=ex num="0,black"]
يقول الذي ساق المعانـي وهـو محتـاط=تشادي نواوير الخزاما بجال الـروض
لأن الـذي نسنـد لـه القـاف ماينهـاط=وشعره غدا وسط العرب سايرن محفوض
يصف المعاني والمثل صفـت الشخـاط=يجيبه تطابق منطق العقل والمفـروض
بيوتـن لقـط طيبـه ومعنـاه بالملقـاط=ورمحه بصيدات المثل دايمن محضوض
سريعن حضور القاف ياتي تقل مخبـاط=يجيبه ويشفي خاطر الضايق الممروض
مواريث شعارن مضـت مابهـم مغـلاط=خذاها وصار اليوم بالربع نعم العوض
مبارك لغلـق القـاف والكايـده شعـاط=علامه ثمان شهور صدره تقل مغيوض
اذا كان جمر العشق في ضامرك مشتـاط=وقفنا معك لين العطاشا تذوق الحوض
ونقلط معك باللي تبي كـان بـه مقـلاط=بجاهي ومالي ثم نكتب لك المعروض
ونطلع مطاليعـك وننـزل مـع المهبـاط=ولو كان مع طيرن شلع جانحه منفوض[/poem]
رد الشاعر مبارك التبيناوي :
[poem=font="Simplified Arabic,5,white,bold,normal" bkcolor="transparent" bkimage="" border="none,medium,white" type=4 line=0 align=center use=ex num="0,black"]
سلامي عدد من طاف بالبيت سبع اشـواط=هلا بالرساله والتماثيـل والملحـوض
هلابه عدد رمل السوافي بعرض قطـاط=هلا عد ناسن بالهوى حقهم مبهـوض
هلا به عدد سكان الاردن لشـرق الغـاط=هلا بالبيوت النادره والهزل مرفـوض
بالاشعار والتاريخ الاول خذيـت انـواط=وجمعت الرواية واطيب الشعر والملفوض
غني عن التعريـف كالشمـس ياسقـراط=لك الشكر يالراوي وشورك مهو منقوض
ابد ماعلى عمري مجـرد شـوي احبـاط=نهاية غلا مدري بداية ردات حضوض
على اللي جماله يتعب الماهـر الخطـاط=ولاعنهم الذاكر ولا ادري وش العاروض
نشدنـا زميلاتـه والابـلات والخـيـاط=من العام وعيون الشقى ما اهتنت بغموض
تـوارد غرابيلـي مـن الكـم والقيـراط=سببها قوي العزم مايستطيـع نهـوض
يقولون قالوا قيـل مـن طلعـت التميـاط=مشو بتجاه الغرب والعفش ميل الحوض
من ارسلت يافـواز يمـه طلـع خـراط=رجع باردن وجهه تقل قارصه باعوض
يمثمث تقـل يعطيـك الاخبـار بالشفـاط=وانا كن في صدري لهايب سموم قيوض
[/poem]
اتمنى ان اكون وفقت بالاختيار والحكم والنقد للأخوة والاخوات ممن اطلع عليها وتقبلوا تحياتي
اخوكم الراوي
