شوارد شعريه (الجزء الثاني)
بسم الله الرحمن الرحيم
سبق ان كتبت مجموعه من الشوارد الشعريه (الجزء الاول) وقد لمست استفادة
الاخوه منها حسب كتاباتهم ولان المقصود الفايده للتراث ومحبيه سأورد مجموعه
منها وارجوا من الاخوه ابداء الرأي لمن كانت لديه ملاحظه او اختلاف او تعليق0000
قول الشاعر : الزين مثل الحياء متبوع = لو ماتلى الناس يتلونه
والشين مثل المحل مقطوع = يمشون لما يتعدونه
هذه الابيات للشاعر رباط الشاوي وهي مشهوره ومتداوله بين الناس000
قول الشاعر : لاذلان ياناس ماخليت = والعرس ماهو على بالي
اخاف يزعل علينا الميت = يزعل علي واحدن غالي
الابيات تنسب لزوجة عبدالله بن دهيثم من المختار والصحيح انها لجوزاء بنت طراد الضويلي
بعد وفاة زوجها محمد الشايع الضويلي فخطبها احد الاشخاص فسألها والدها فأجابت بهذه
الابيات التي تدل على حبها لزوجها المتوفى حيث تقول انه مات وانا على ذمته غير مطلقه
ثم تبرر بخوفها من زعله في قبره 000 الا انها وبعد ضغط العايله تزوجت ولاتزال حيه 000
قول الشاعر : عز الله اني تركت الطوع = اتلي هوى تلع الارقابي
من ذاق حب امهات ردوع = لو تابوا الناس ماتابي
يازين عنك القلم مرفوع = مادام خاطرك ماطابي
الابيات لفهد السيف امام الجمعه من اهالي بقعاء وبسبب هذه الابيات منعه مياح الشلاقي
لايصلي بهم الجمعه وقال انت اعترفت انك تركت الطوع وش نبي بك 000
قول الشاعر : لاصرت بالصمان والقيض حاديك = ايا حسين الطرف وأيى المطيه
أياه وايا كور وجنا توديك = عن المضامي سهلتن قرقفيه
للجميلي ( صلبي ) يخاطب ولده اللي جاوبه بقوله :
الله كريم ولا ومر بالتهاليك = ولا ومر بفراق صاف الثنيه
ولاصرت بايام الرخى عند اهاليك = شوفة حسين الطرف تسوى المطيه
اتمنى ان تحوز على رضاكم والسلام00000
ابن غسلان (((( الراوي ))))
