العوني وابن صباح بعد كون الصريف

من اصعب الامور والمواقف التي مرت على الشاعر الكبير محمد العبدالله العوني هو مرحله ماقبل كون الصريف وما بعده .. وكلنا يذكر قصيدته ((الخلوج)) اللي يستحث بها ابن صباح واهل القصيم على مهاجمه ابن رشيد ولكن بعد كون الصريف وانتصار شمر بقياده البطل المغوار عبدالعزيز المتعب الرشيد على احلاف وجموع ابن صباح الغفيره اتى محمد العوني الى ابن صباح وبعد السلام القى اليه هذه القصيده:

[poem=font="Simplified Arabic,5,white,bold,normal" bkcolor="black" bkimage="" border="double,medium,black" type=1 line=0 align=center use=ex num="0,black"]
بديت بشكر الله رزاق البرايا = عليم الحال غفار الخطايا
احمده واشكره واثني عليه= بتثبيته لنا ريف الرعايا
بتثبيته سنان الطايلات=صليب الراي ممدوح السجايا
مكدي الضد عن حلو المنام= عن سجّات غضّات الصبايا
وحل الموت بعروق (الصريف)=يشيب الطفل زلزال السبايا
حس الصمع تقل رعود صيف=وحوض الموت وردّوه( الطنايا)
وعيّا الله... وله بأمره مراد=وتعالى الله عن قول الزايا
ولا عيب الفتى في غلب الحروب=امورٍ بيد غفار الخطايا
تر عيب الفتى دوس العيوب=وترك الثار من بعد الرزايا
وتطريب الرغا من بعد الهدير=وطلب الصلح من بعد الهوايا[/poem]

فقام ابن صباح بتوبيخ العوني وقال له انت ابى السبايب وانت اللي ورطتنا وهالحين تبي الثار بعد ؟؟ الحمد لله اننا سلمنا بأعمارنا من ابن رشيد
ولو الضيف يذبح كان ذبحتك واكتفى ابن صباح بطرده من المجلس

[all1=000000]رحم الله بن رشيد ورحم الله اموات المسلمين..


\\

اخوي خالد لاهنت على ايراد هالقصه والقصيده وفعلا
موضوع رائع وتشكر عليه ,..


لاهنت [/all1]

يعطيك الف عافية يالبناااااااااخي

يقول ابن سعود للعوني :-

" والله ما تهجد نجد وانت على ظاهرهـ يالعوني !!

مار رح سلم على الشايب:) "

قصيدة رائعة ولاهنت يابعدحيي:thumb:

لك التحية

والسلام ...

تسلم يالطربه على هذه القصّه وهذه الابيات.:thumb:

.............................................................................
غريب امر العوني يالزقرت!!! هالرجل كل يوم بلوه ديره !!!

يوم بحايل ويوم بالرياض ويوم بالكويت وينكس لحايل ويروح للقصيم همّن بالأحساء!!

لايكون بوه طيارات هكالوقت :a:


عذرً اخوي خالد على هذه الدخله الشطاحيّة :)

تسلم يا خالد علي هالقصيده والله لايهينك والعوني معروف بتقلب الولاءات ولكن قصيدته بمعركة الجوف تشفع له سقطاته السابقه.

الاخ ((ريال الفسحه)) حيّاك الله ومشكور على هالمرور الطيّب

الخال حيّاك الله ومشكور على هالمرور الطيّب

[poem=font="Simplified Arabic,5,white,bold,normal" bkcolor="black" bkimage="" border="double,medium,black" type=1 line=0 align=center use=ex num="0,black"]
وتطنيب الرغا من بعد الهدير=وطلب الصلح من بعد الهوايا[/poem]

الا يرغي ويبرك ويرغي حتى من سمع برغاه دام الخصيم أخو نورة:thumb:

تسلم تسلم:goooood:

رائع ولا تجيب الا الروائع!

تحياتي

هذي حالة الشعراء اول وهالحين الا ماندر يابن جشعم ومشكور على المرور

صدقت يالاصمعي عز الله وكاد 00


يارجال انا ماحفظت للعوني شي وذلك ان الشيبان اللي اخذت منهم كانوا اذا جاء طاريه قالوا اتركوه


عنكم هذا ماله مذهب وترعرعت على هذا الراي من عدم حفظ قصيده مع اني حفظت قصايد اطول


من قصيده اضعاف000


وكانوا (((لاتزعلون مني يالعزوه))) يحطون معه الوضيحي يقولون اتركوا عنكم قصيده هذا ماله امان


على النسوان والرجال بالغزو 00 فالمعذره ولكني اذكر ماسمعت وانا صغير بمجلس جدي فهد الغسلان


وكان يجمع شعراء ورواة اهل بقعاء ومنهم سليمان البدر خال فهد الغسلان اللي جاه منديل الفهيد عام


1395 هجره وكان يكتب منه على السراج بالليل ويقول انه ملى دفترين منه الله يرحمهم00


وعلى طاري الصريف يقول ابن حنيظل :


يالله انا نسالك لاتخلينا,,,,,,,,في نهارن تشب الحرب باركانه


تعز ابومتعبن معنا يقدينا,,,,,مثل حر(ن) عريبن صف جنحانه


من ضياغم على اللقوات ضرمينا...خذ زهور الضفر قطفن من ايمانه


لاركب فوق صفراء وسرها زينا...مقدم الحرب يقطع راس فرسانه


بشر اللي ماهو معنا مخلينا,,,,يوم جاه الخبر بلشان في شانه


قاعدن عند غنجن تدعج العينا,,,,شرد الصيد زين الوصف غزلانه


قل انا خذينا النعم بيدينا...من هله ناخذه غصبن وصخرانه


وماراح اكمل القصيده على مااطى بالمعجن يالربع0000 قام ابن هذال يعد فرسان نجد من بداية


الدنيا ويوم قال عبدالعزيز المتعب قال عبده لاياعمي ماهو معهم قال ليش ياثمن الملح؟؟؟؟


قال انت تعد الفرسان00 قال والجنازه وشو اجل ؟؟؟ قال العبد هذا سلطتن منزله لاتعده معهم


(((روايه صادقه ونادره)))

عام 1413 هجره رحت للنفود وقابلت بدوي عمره بالثمانين ويوم سمع قصيدي قال انت ابن غسلان


اللي له الشرطان قلت نعم قال اسمع ياولدي عمري ثمانين ومالي مصلحه اكذب على الموتى0


قلت تكرم سولف0 قال ابوي حكى علي يقول صبح وقعة الصريف كان الجنازه على جنبه ومركي كوعه


بحضن عبده مجعثن وكان يجمع من الثرى ويكوم بالارض فقال الله ياللي عنده جذعه يلعب على نهوده


على هالجو الحلو00 يقول قلنا ياطويل العمر وين حنا والجذعه وحنا ينقطع نظر الواحد بلميع الشلف من


صفوف العدوان ومااهتميت؟؟ قال الجنازه والله لو بجسمي هالحين لحمه ترتعد خوف كان قطعته بالقديمي


وجدعته000

يقول وفجأه تهاوش مجعثن عبد الجنازه مع عبد ثاني فقال الطقوع اللي مايجيب القلاعة من القوم0


قال مجعثن تهزبن ((يعني تحداني)) قال اتحداك وملعون يلعن والدك وهو ينطلق مجعثن ويركب صبيحاء


فرس الجنازه وهو ينطلق على الصفوف0 قال الجنازه ردوه ردو المجنون وهو يروح قال الجنازه انا لله وانا


اليه راجعون0 عبد لكن وفى منه النصيب راح خلاص(لانه راح يذبح اكيد بوسط الامه) وجلس الجنازه


حزين عليه يغليه 0 يوم خذوا شوي يمار هذا هو راجع معه قلاعه 0 وهو ينجن ويتعجب الجنازه قال لعنبوك


وش عملت قال ماادري ياعمي قال قل لي وشلون خذيته قال ماادري ياعمي00


يقول يوم خلصت الحرب ومسكوا (الربدي) اسير قال له الجنازه يالربدي كل هالامه بجهه والعبد بجهه


قل لي وشلون خذا قلاعته العبد من وسطكم؟؟؟


قال الربدي يوم اقبلت صبيحاء يحسبونك انت اللي عليها وهي تصير الثلاث صفوف الاولى مريج من الخرعه


وهو يخطفه ويرجع والعالم مابهم اللي التفت من الخوف0 والله ماذبح احد وهذي السالفه0000


هالسالفه يحكيها علي شايب ((قنياوي)) ضيعت اسمه يارجال ويقسم ان ابوه حاكيها عليه وانه بجنب


الجنازه وهذي تكفيكم يالعزوه0000000