@القهوه@

بسم الله الرحمن الرحيم رب العرش العظيم ولا إله لا الله محمد رسول الله
اول اك الحين كانو العرب يشتهرون ناس بل الكرم وناس بشاعة وناس بطيبة الخلق الشاهد اليوم قصتنا او سالفتنا عن الكرم اول بداية الكرم القهوة وذكر رجل اسمه دغيم الظلماوي الشمري ويقاله راعي الوالمه الي قهوة والمه بي وقت تشاء فكانو ينصونه العرب والناس وجماعته وصارت شرته اك الحين اشهر من ابن الرشيد فقال دغيم قصيد يخاطب به اخوة كليب بعمل القهوة على شان لاجاهم الضيوف الى هي زاهبة ويقول بها
يا كليب شب النار يا كليب شبه
* * * * * عليك شبه والحطب لك يجابــي

وعلى انا يا كليب هيله وحبــه
* * * * * وعليك تلقيط الدلال العذابـي

وادغث لها يا كليب من سمر حبه
* * * * * وشبه الى من عفا كل هابـــي

باغي الى شبيتها بالـــــمشبه
* * * * * تجذب لنا ربع ســــراة غيابـــي

بنسريه يا كليب صلف مهبـــــه
* * * * * لا تنعسف لكن بها سم دابـــي

خطو الولد لوله زبون وجبــــه
* * * * * تاتي عليهم من حساب الزهابي

لا باطن الهلباج خطو الجلـــبه
* * * * * يا حلو خبط عصيهم بالركابـي

اطمر لهم وابدي سلام المحبـــه
* * * * * لا جوا على هجنن بيدهم خلابـي

مع كبش مصلاح لك الله نجبــــــه
* * * * * لا دبر الهين متين العلابـــي

الاوله يا كليب عجل مصبــــــه
* * * * * والرزق عند الله منشي السحابي
اشتهرت القصيدة وصلت لإبن الرشيد وهو ابن الرشيد سامعن عنه من قبل والله ويزعل الظاهر انه علشان يمدح نفسه ولا مدح عيال الرسيد الظاهر وهو يهدف دغيم في حزة ما يتحرى احد يوم انه يجي لا اي والله الكلام الى اسمعه صحيح وانه يزعل زود يقوم دغيم يصب القهوة ولا يشف وجه ابن الرشيد متكدر والله وقول دغيم الأمير سم فنجالك وهو ابن الرشيد يمسك الفنجال وقال وش خليت لغيرك يا دغيم ويقوم ادغيم بسرد قصيدة
مدة رهن لولاك ماقلـت ياكليـب @ ولا قلت عند النار صر موقد لـة
ياطير شلوى يابعيـد المراقيـب @ لو تستحي ماتاخذ الطيـب كلـة
تملا محاليـب وتكفـي محاليـب @وكبـد تيبسهـا وكـبـد تبـلـة
يابو المحرول والعمى والمحاديب @وابو لمن صار العصى ثالث لـة
وابو لمن يمشي قصر رجلة العيب @ ومن ضامتة بقعاء تصير ولد لة
يالجوهر الناريز يالعطر يالطيب @ياعنبـر مـن عاملـة مايمـلـة
ويومن يستاسع صدر الإمير ويقوله لا نقصك شي من القهوة تعال وخذ وتارك من لبتنا ومن ربعنا
وسلامتكم
واتمنى ان تكون السالفه حازة على رضاكم وشكراً اخوكم
عبدالعزيز السفاعي (( راوي مبتدي ))

السفاعي
لاهنت على القصه والقصيده

ودغيم معروف بالكرم

وفيه ناس جاروا هذه االقصيده واجد
للي يقول
ياعلي شب النار ياعلي شبه
واللي يقول
ياذيب شب النار ياذيب شبه

وناس واجد

تقبل مروري

تسلم يالعزوة ولاهنت

لك التحية

والسلاااام ...

حلوة القصة شكرا

مشكورين لي مر على القصة وان شاء الله تكون قدحازت على رضاكم

تعديل يا جماعت الخير
انا سمعت من شياب وناس كبرا تعديل لقصيدة الي انا قلتة وانا اعتذر أعتذار شديد على الغلطة
وان شاء الله تعدل
ياكليب شب النار ياكليب @شبـهعليك شبه والحطب لك يجابـي
الوالمة ياكليـب عجـل بصبـه @والرزق عند اللي يجيب السحابي
حنا علينا جيـب ماهـا وحبّـه @ وعليك تقليـط الـدلال العذابـي
ونجراُ توال الليل يدعيـك نبـه @ اليا طق طارة حس ذئباُ بنابـي
ادغث لها ياكليب من جرم خبـه @ وشبه الى منه هبا كـل هابـي
بـاغٍ اليـا شبيتهـا ثـم قبـه@ تجلب سراةٍ مـن بعيـدٍ غيابـي
بنسرية ياكليـب صلفـا مهبـه @ لاهب نسناسه تقل سـم دابـي
متكتفيـن وناطحيـن مهـبـه@ متلطميـن وسوقهـم بالعقابـي
صبه لقـرم صرفتـه ماحسبـه @يوم البخيل مكنهب الوجه هابـي
صبه لمنعـور اليـا جـاه نبـه @يرخص بعمره والدخن له ضبابي
عده عن اللي مايداري المسبـة @ اللي يـدور بالقصيـر الغيابـي
ليا جاضع المنزوع خطو الجلبة @ ياحلو خبط اعصيهـم بالركابـي
اوقف لهم وابدا سـلام المحبـة @ لاشح بالهين عريـض العلابـي
سلام احلا مـن شهاليـل جبـة @ واحلى من السمن الجديد العرابي
مع كبش مصلاح لراسه نجبـه@ مع مضرب السكين حن الرقابـي
وخطو الولد يوم الملاقـا نكبـه@ يصير معنا من حساب الزهابـي
حتى ايش لو يلبس زبوناً @ وجبة معيرة علـى غضيـر الشبابـي
انا لقيت الصبـر يازيـن غبـة@ يرقيك روس مشمرخات الهضابي
من لاصبر ياكليب في حكم ربـه @ هذاك يوم الحشر مالـه ثوابـي
وسامحوني ان كان حصل تقصير يا الربع

يعطيك العافية

يعطيكم العافيه وماقصرتوا وحنا نستفيد منكم هالقصص ولو أنه قد يحدث بعض اللبس بين الروايات المختلفه ( وأهم شيء الزبدة )
وهالقصص تعود بنا الى عصوراً أكل عليها الدهر وشرب وتذكرنا بالماضي الذي عاشه كثير من شيبان هالوقت وماتصفوا به من شجاعه وكرم والى مالا نهاية من علوووووووووووووووم الرجال والقهوه
واحسنتوا وبارك الله فيكم [move=down]أغليــــكـــم[/move]

مشكووورين على المرور