مايفيدبه جيش(ن) ولا حلف دولي.. غزل

السلام عليكم ورحمة الله وبركاته

هذه قصيدة جديدة لي, ارجو ان تنال اعجابكم, وارجو الا تبخلو علي بملاحظاتكم



ركبت من صنع النصارى ذلولي
لومينا اسود له ذراع(ن) وهمه

كبستله واوجست انا القاع حولي
تنثر حصاها ثم.. ترجع تلمه

من لهفة(ن) وسط الحشا ماتزولي
لهفة يتيم(ن) فارق احضان امه

يسهر طويل الليل يبحث حلولي
للمشكلة والمشكلة منت يمه

حبك كبير وضايع(ن) فيه زولي
وبواخري ترسي على اطراف يمه

فهد لمنه حب ماهو بقولي
وتشهد له الدمعه واطراف كمه

ماهو ضعيف(ن) للماصيب جفولي
جرب طعون الوقت واعتاد سمه

لكن غلاها يختلف عن هذولي
ماذقت هم(ن) يشبه انواع همه

كنه في قلبي غارس(ن) له سلولي
لامنه عض اشفاه .. وسال دمه

عنيدة(ن) وعنادها مايزولي
ماعندها رحمه ولا فية ذمه

مايفيدبه جيش(ن) ولا حلف دولي
ولا وساطة بلير ولا بوش عمه




أخوكم فهد الفضيلي الشمري

بسم الله الرحمن الرحيم

صح لسانك هناك بعض الملاحظات
كانك تسمح....... شكرن
تقول:فهد لمنه حب ماهو بقولي
وتشهد له الدمعه واطراف كمه

ماهو ضعيف(ن) للماصيب جفولي
جرب طعون الوقت واعتاد سمه

اخي فهد هناك تناقض واضح بين مره تشهدلك الدمعه
ومره مانت ضعيف.

ايضاً تقول:عنيدة(ن) وعنادها مايزولي
ماعندها رحمه ولا فية ذمه

عنيدة ن مؤنث ـــــــ ولافيه ذمه مذكر
النقاد ما يحبون الشي هذا تذكر وتؤنث
بنفس البيت او حتى نفس القصيده....

وأذا راجعه علي انا قصيدتك موزونه الا اخر شطر
اكسروا ظهره بوش وبلير.


هذا وتقبل فائق احترامي............اخوووووووك

فهد صراحه اعجبتني قصيدتك بصراحه شي


رايح وطي باين انه طالعه من قلب

تحياتي لك والله لايحرمك من تحب

الاخ/ فهد

القصيدة كبداية أكثر من رائعة وأتوقع لو تستمر على هذا النهج أنك بتتطور بشكل سريع

وبما أنك طلبت ملاحظاتنا انا اوافق راعي المغاتير في ما قال وأضيف ان البيت الاول فيه مشكله عندما قلت لومينا أسود كما تعرف لومينا مؤنث وأسود مذكر وأهم شي ابغى أقوله ان مطلع القصيدة مهم جداً لانه إذا لم يشدك المطلع لن تكمل قرأة القصيدة

وتقبل تحياتي وبالتوفيق