قصيدة على الشيخ عبدالكريم الجربا
قال الشاعر خضير الصعيليك الاسلمي الشمري يمدح الشيخ عبد الكريم
الجربا
ومن المعروف ان الشيخ عبد الكريم الجربا اشتهر بالشجاعة وكذلك بالكرم حتى
لذلك سموه ( ابو خوذه )
اخواني ارجوا قرائتها على كيفكم تعطوني رأيكم فيها
يقول خضير الصعيليك الاسلمي الشمري في الشيخ عبد الكريم الجربا:
يا شيخ انا جيتك على الفطّر الشيب ***** قزّان من دار المحبين دبّاب
دبا عليّ ودبّ مني بتقريب ***** قل المواشي ياذرا كل منهاب
من دارنا جينا لدارك مغاريب ***** يمّوم نجمِ لا تغيّر ولا غاب
متخيرك يامنقع الجود والطيب ***** لا خيّب اله للاجاويد طلاّب
سلام من قلبٍ محبٍ بلا ريب ***** له يستتبّ الشاب ويشبّ من شاب
يالجوهر الناريز يالعطر يالطيب ***** يالصعل يالصهّال يا حصان الاطلاب
يالزير يالزحّار يالنمر يالذيب ***** يالّليث ياللاّيوث يالشبل يالداّب
يالضاري الضرغام عطب المضاريب ***** يالفرز يا مفراس ضده والاجناب
يالنّادر الهيلع عقاب المراقيب ***** يا نافلٍ جيله بعيدين وأقراب
نطّاح طابور العساكر لياهيب ***** ستر العذارى لاغشا الزمل ضبضاب
عيبك الى من قالو الناس بك عيب ***** بالسيف لأقاب المناعير قصّاب
وعيبك الى من قالو الناس بك عيب ***** للسمن فوق مفطّح الحِيل صبّاب
وذبح الغنم والكوم حرش العراقيب ***** وِإعطا المهار وبذل مالٍ بلا حساب
وبك شارةٍ كب الفراد المحاديب ***** وبذل الطعام وللتنافيل كسّاب
ونمرا تجرّة للعدا والاجانيب ***** تفجا بها غرّات ضدك بالاسباب
ومن عقب ذا بالعون مابك عذاريب ***** احلى من السكّر على كبد شرّاب
جيناك فوق الهجن شيب المحاقيب ***** لمشاهدك ياشوق وضّاح الانياب
الحرّ يضرب بالكفوف المعاطيب ***** والتّبع قناصه من الصيد ما جاب
وانت الذي تافي بكل المواجيب ***** كنك هديب الشام بالحمِل عتّاب
تثني لابو صلفيق مابه تكاذيب ***** شيخ السخا معطي طويلات الارقاب
ياما عطيت اللي يجونك طلاليب ***** كم واحد جا لك من الوقت منصاب
وفرجت همّه في كبار المواهيب ***** من عيلمٍ يزمي كما يزمي الزّاب
عز الله انك طيب وتفعل الطيب ***** والطيب يجنى منك يازاك الانساب
ولاهو كثيرٍ يا مهدي الاصاعيب ***** أفعالكم يعدّة اللي بالاصلاب
وسلامتكم
وعاد اعطاه الشيخ عدد مو هيّن من الابل لكن والله ما اعرفة
وارجوا انها اعجبتكم
لكم مني كل التحايا والاحترام
اخوكم
عبدالكريم آل عبهول
