شاعر شمري مشارك بشاعر المليون؟؟؟؟

يا هيه .. ماني في مراضاك ملزوم
ولانيب قايل كلمةٍ .. تنتظرها

والزلة اللي عيّفت عيني النوم
ماهي بالاولى .. والرجال تخبرها

طوفتها مبطي .. ولكنها اليوم
فرصة .. وانا غلطان كان أخسرها

لاوالله الا .. ما بعد خشمي خشوم
الضعف .. ما عز الوجيه وسترها

وانا بعد هذي فلانيب مليوم
بك مبتداها .. وبضلوعي خبرها

ويوم انها مونه وغالي ومحشوم
غمضت عيني لو تقادح شررها

واقول ماين .. والغلا شيء مقسوم
لاشك .. ياشين الميانة وأثرها

خوّه .. وانزهها عن البيع والسوم
لو باعها ربّانها في بحرها

طبعي كذا .. ماخذ على الطيب معلوم
وأدفع سنيني للخوي .. لو دمرها

وإن طاح يلقاني .. وأقوّمه .. واقوم
وإن مد لي خملة .. وفاي يغفرها

الرجل يسبر فالسما عالي الحوم
وان مرّت الطفسة نهض ماعتبرها

وان ساوموا صبره دنافيس ورخوم
يشهر وعينه للجزايل .. نظرها

وان كانها صارت مشاريه وسلوم !!
انا أول اللي قاع جدّه شبرها

والرفقة اللي ليلها مابه نجوم
انا قمرها .. يا خسارة قمرها

وصحيح متضايق ويائس مصدوم
لكن عشان الملح .. لك باختصرها

اما فهمت العلم .. والعلم مفهوم
والا فنفسك .. طيعني تحتقرها

كلٍ بقلبه من غثا وقته هموم
والطيب دنيــا .. والرجال تعمرها

وانا بعد هذي فلا نيب ملزوم
الضعف .. ما عز الوجيه وسترها


الشاعر ....

مشعل ذباح الشمري

صح الله لسان الشاعر

قصيده راااائعهـ جدآ ...

وسلمت الايادي اخوي تركي

دمت بإبداع

شكرا
اختي بنت الشمال على المرور
لاهنتي يا اختي

الاخ تركي

قصيدة جميلة

صح لسان شاعرها وتسلم يد ناقلها

قصيده جميله

اخوي هواوي نجد
شكرا
على
المرور
دمت
بخير

شكر على المرور
خطيره الملامح