السلام عليكم ورحمة الله وبركاته
اخواني واخواتي احباب قلبي
اعذروني على الغياب rooose2
وهذي المتواضعه علها تشفع
[poem=font="Simplified Arabic,5,white,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
مسكيـن قلـبٍ كـل ماضقـت جيـتـه = شايـل همـومٍ فـوق هامـات الاكتـاف
بالحـزن والحرمـان صيتـي وصيـتـه = شاع وتعدى مـن ورى حـد الاطـراف
عــزالله انــي بالمـأسـي رويـتـه = يقـول دايـم ياعمـر مامـن اخــلاف
أمــر تـدلـل ياعـمـر وش بغيـتـه = هذي علومـه ماعلـى هرجـه انصـاف
ياقلـب ليـت الخـل يـرجـع ياليـتـه = كل الامور تهون مـع زيـن الاوصـاف
ياقلـب جيتـه والحـزن عنـد بيـتـه = يومـه خزرنـي مثـل نظـرات سيـاف
قلـت الـسـلام وبالمعـانـي دعيـتـه = ياحـي زولٍ ياهـلا زيــن الاســلاف
قـال ابتـعـد والبـعـد والله نويـتـه = ابعـد تـراك اليـوم غـادر وخــواف
قلـت الحقيقـه والعمـر لـك فديـتـه = قلي عسى مامن ؟؟ عسى مامن اخـلاف
لاواخسـاره حـبـك الـلـي شريـتـه = كنت احسبٍ كل البشر عنـدي اشـراف
اسمـع كلامـي واخـذ فعـلٍ نويـتـه = اسمـع كـلامٍ يجمـد الـراس بعجـاف
(( شعري انا لامن عصانـي عصيتـه )) = (( اهين وزن الشعر والعب على القاف ))
(( ولامن نخانـي قمتلـه وانتخيتـه )) = (( العب واهيجٍ مثل ذيـبٍ وصيـاف ))
امـا تجينـي واتـرك اللـي طريـتـه = والا ابتعـد واتـرك شقـا الدمـع ذراف[/poem]
وسلامتكم
مغليكم // عمر اللهيميد
