حنا الـطـنايا مانهاب المنيه
[poem=font="Simplified Arabic,5,white,normal,normal" bkcolor="teal" bkimage="" border="none,medium,gray" type=1 line=0 align=center use=ex num="0,black"]
اشره على الطيب ويشره عليه = بيت ٍ يمثل قاله الشيخ راكان
يا(...) وشـبك عـليه=وش جاك مني ياسلايل كحيلان
ماهذا حق الخوي مع خويه=اشرح لي مابخاطرك كان انت زعلان
وان كان لك حق ٍ ياخويي عليه=ابشر وانا للحمول الثقيله بليهان
خوينا له عندنا مقدريه= نرفا خماله لابدا منه نقصان
وخوينا ماتجيه منا الخطيه=ندرا مشاعر خاطره كل الاحيان
وخوينا لنضام شاف الحميه =ناقف بجـنبه لرتعد كل جابان
وخوينا ترقد عيـونه هـنيه= وحنا ســهارى لجل عينه ولاتهان
نرخص عمار ٍ للخوي له هـديه =وعاداتنا فعل المراجل برهان
حنا حـمايل مـانسوم الرديه= نبحث عن الجزلات غالية الاثمان
وحنا يدينا للرفاقه سـخيه= نشــفق على فعل الجـمايل والاحسان
حنا لنا في ماكر الـعز هيه=في وقتك الحاضر وفي ماض الازمان
حنا الـطـنايا مانهاب المنيه=الباسنا بالكون من بيض الاكفان
ياما سـرينا بليلة ٍ سرمديه= وياما كـسرنا من قبايل وعربان
سيوف ربعي باللاقا شضيه= كم شيخ قوم ٍ شان حضه ولازان
رماحنا بدم العداء شوشليه= بيدين غفلمان ٍ تـسحب بالاردان
ناخذ قلايعنا والـشـمس حـيه= نمشي على وضح النـقا دون غدران
شمر قويه وراح تبقى قويـه= وشمر هل الطولات والـمجد والشان
لاتغرك الدنيا دنياك ذيه= كم بيت عز ٍ حولت به بحقران
عقب المعزه والليالي الـهنيه= تهدمت جدران بيته والاركان
وخــتامها ازكى صلاة وتحيه= عـلى النبي المصطفى نسل عدنان
محمد الـمبـعوث خير البريه= اللي ضفا ديـنه على كل الاديان
شـفيعنا يـوم الخلايق سـويه= بالموقــف المأحتوم شـيب ٍ وشبان[/poem]
للشاعر : علي الخليوي
تحياتي:)
